[A/N: Bago nyo to basahin, ipangako nyo saking wala kayong hawak na bolo o taga. Baka patayin nyo ko. *bows*]
The King and the Empress
[Mikko's POV]
Tinitigan ko yung babae nang mata sa mata nang makalapit ako sa kanya. Napakadumi ng mukha nya kahit na nababasa na sya ng ulan. Hindi ko alam pero... nakikita ko ang sarili ko sa kanya noong bata pa ako. Ganito din kasahol ang itsura ko noon... o baka nga mas malala pa dito.
Pero mas nakatawag pansin sa akin eh yung bondage nya sa kabilang mata nya.
Inabot ko sa kanya yung pagkaing binili ko.
Pero nagulat ako nang tumalim ang tingin nya at tinapik papalayo yung plastik ng pagkain na binibigay ko sa kanya.
"Hindi ko kailangan ng awa mo!" Matalim ang mata nyang nakatingin sa akin.
Naningkit ang mata ko sa inis, pero hindi ko na sya sinagot. Tumalikod ako at saka ako naglakad papalayo nang walang sinasabi.
"Hindi mo ba ako narinig?! Sabi ko hindi ko kailangan ng awa mo! Kaya kunin mo na yang pagkain mo!!" Sigaw nya sa likuran ko.
Nilingon ko sya. "Binigay ko na sayo yang pagkain na yan. Bahala ka kung gusto mong kainin o iwan." Sabi ko at saka naglakad uli papaalis.
"Teka sandali!" Narinig kong sigaw pa nito. Wala na akong balak lumingon, pero may narinig akong bumagsak... kaya napalingon ako.
Nakita ko yung babae na nakahandusay sa lupa. Hindi ako nagdalawang isip na puntahan sya at tingnan kung humihinga pa. Humihinga pa naman sya, pero mataas ang lagnat nya. Gutom na gutom na rin sya kaya sya bumagsak.
"Saan ka ba nakatira?" Tanong ko.
"Iwan...mo..nga ako." Bulong nya.
"Wag kang makulit. Saan ka nakatira?" Iritable kong tanong.
Halata din sa mukha nyang naiinis din sya, pero tinuro nya kung saan sya nakatira. Hindi yon malayo mula rito sa daanan, pero liblib iyon. May kubo sa gitna ng liblib na mapunong lugar ako dinala ng mga sinabi nya. Pagkapasok namin doon, hiniga ko sya agad at sinalat ang noo nya. Napakainit noon.
Agad akong naghanap ng matinong damit na ipapalit ko sa kanya dahil basang-basa sya ng ulan. Wala naman sa aking malisya yon, dahil maraming beses na din akong nakakita ng katawan ng babae dahil sa mga mission at trabaho ko dati.
Pero nang inaangat ko sya para palitan ng damit, hinawakan nya ang balikat ko.
"Kaya ko." Sabi nya.
Lumabas ako ng kubo habang hinihintay ko syang magpalit ng damit. Malakas pa rin ang ulan sa labas pero nakasilong naman ako. Makalipas ang ilang minuto, pinapasok na nya ako. Naabutan ko syang nakasandal sa tabi ng lamesa.
"Kumain ka." Sabi ko at saka ko binigay sa kanya yung pagkain na binili ko kanina. Tinapay yoon at may kasamang C2.
"Bakit mo ba ko tinutulungan?"

YOU ARE READING
Code Name: Agent Red
Teen Fiction[End] One of the top teenage secret agent Rury de la Cruz A.K.A. Agent Red Queen was given a very important mission to save their country, and that is to go to an elite school AS A BOY where Saya Konohana, the daughter of the leader of the terrorist...