"Sa lumang sementeryo"
"Paslangin mo si Sayeh"
"At iligtas mo si Misty"
Lakad dito. Lakad doon.
Naririnig pa rin ni Olivia ang mga tinurang iyon ni Sabrina. Hindi pa rin mawala sa kanyang isip ang pagtataka nang sabihin nito ang dahilan kung bakit isiniwalat sa kanya ang mga bagay na iyon.
"Ginagawa ko ito, para maisalba ang aming lahi"
"Isalba ang kanilang lahi sa pamamagitan ng pagpaslang ng isa pa nilang kalahi? Hindi ko maintindihan" bulong niya habang tinatabas ang mga naglalakihang damo sa kanyang harapan. "Pero kung ano man ang ibig niyang sabihin, kailangan pa rin kitang patayin hayop ka.. Magbabayad ka sa ginawa mo sa kapatid ko.""
Dahan dahan siyang humakbang sa maliit na dampa sa sementeryong iyon na tinuro sa kanya ni Sabrina, saka umikot sa likuran. Kinakabahan siya sa gagawin dahil hindi basta basta lang ang makakalaban niya. Isa pa rin iyong halimaw. Baka sa huli, siya ang mapatay nito.
"Awooooooooooooo"
Ipinilig niya ang ulo. Hinigpitan niya ang pagkakahawak ng tanging sandatang papatay kay Sayeh. Pahawak na siya sa pintuan ng dampa nang bigla siyang may narinig na mahinang tawa sa kanyang likuran.
"Hihihi..."
Lumingon siya ngunit wala siyang nakita kaya pinagpatuloy niya ang pagbukas ng pintuan.
"Hihihi..."
Sa muli niyang paglingon ay bumungad sa kanya ang nagdurugong mukha ni Sayeh na malapit sa kanya. Napaupo siya ng marahas kasabay ng mabilis na pagtibok ng kanyang puso.
"Kamusta na, Olivia"
Mahinahong Sayeh ang sumalubong sa kanya.
"Bakit ka pumunta dito?"
