في العشية جاز عليها رمزي هبط عندها فتحلو مهدي الباب
_اهلا بنسيبي لاباس
_صافا حمد لله و نتوما بخير منال مهبلتكمش بدلال ههه
_هههه وي الدلال و البكا خلي برك 😅تفضل اي في الصالت تسنا فيك ... دخل وقفت تجري ترمات في حضنو و هو عباها ولات تبكي
_توحشتك والله
_ياا احشم علينا مرت راجل مزلتي تبكي هههه
_ههه هيا نروحو 😻
,,مهدي شاف الفرحة في عينيها و في لحظة تمنى يكون هو لي حضنتو و مبعد فاق مع روحو قال ربي يسهل عليها ,, راحت ملي راحت تبوس و تحضن في دارهم... عيطت لايمان و سارة جاو
_سارة:يويويووو لعروسة جات عندنا هههه
-ههه لعقوبة ليك حبيبتي
ايمان :ههه احكيلنا كيفاه عايشة
_دارهم ناس ملاح كي لعسل بصح هو كيما تعرفوه بارد و يصمط و رايحين للحمامات
_ااه مليحة حوس و بدل الجو
دخل رمزي قعد مقابلهم فل فوثاي يكونيكطي و يخزر لسارة تحت حس مس و هي ملي دخل مركزة معاه (ملي كانت صغيرة يعجبها و درك فاقت بلي تحبو) بقاو مل مرة يشوفو حتى طاحت لعين في العين 😱
حشمت و هبطت راسها و هو و هو ناض و خرج
وصلت لعشوا عيطلها مهدي
_الو منال
_وي مهدي
_نجي نهزك سعاد تسأل عليك !!
_لا او نجي وحدي حابة نجيب ma voiture
_امم اوكي باي...
ودعت دارهم مبكاتش خاطر علابالها تلقاهم غدوا في الخطبة
روحت ... وصلت للدار دخلت بالمفتاح في يدها سلمت على سعاد و طلعت دخلت للبيت
**مهدي كان فوق الفراش يتفرج لابس بوكسار و ملابسش تريكو **
دخلت منال شافتو عيطت و غمضت عينيها 🙈 _وااه البس قشك
-هو ميت بالضحك عليها : لماه نلبس نتي مرتي
_مهدي او نحشم انا 😶
-هههه خلاص درك نلبس و حل عينيك ناض لبس شورط و رجع لبلاصتو
-سي بون لبست
_حلت عينيها شافتو مزال torse nue زادت قفلتهم _ملبستيش pull 😑
_ههه في سخانة هذي منلبسش محاباش تشوفني دور وجهك يا منال يا مرتي 😇
هي حشمت دارت جبدت بيجاما من الخزانة و دخلت للدوش لبست و هبطت حدا سعاد 😻
وصل وقت لعشا تلمو على طابلة و مهدي مزال الفوق
_سعاد : اطلع بنتي عيط لراجلك
_سامي : اطلع اطلع منال على سعدك 😂
منال ضحكت و طلعت دقت الباب و دخلت لقاتو راقد بقات تخمم كيفاه تفيقو لقات صاشي فوق طابل دو نوي بوطتها و حطتها حدا وذنو و طووووب طرشقتها و هو ناض مفجوع ... شاف معها لقاها تتمرغ في الارض و تضحك بالصوت 😂😂
_هههه منااال خلعتيني حرام عليك
_هي ميتة بالضحك و تحاول تهدر _جيت نعيطلك هههه باش هههه مقدتش هههه
_هو يضحك و حاير فيها اول مرة يشوفها تضحك هكا
_ههههه باش تتعشا 😂
_ههه ناض لبس تريكو و هي جات تسبقو عيطلها قالها استنا
_هابطين في الدروج و هي مزالت تضحك (منال طبيعتها مهبولة و كي تضحك متحبسش ههه و ضحكتها فضيحة تنوض الميت من القبر)
_شافوهم هابطين
_منال بنتي بعتك تجيبو قعدتيو ساعة
_سامي : خليو العرسان على راحتهم
هبة و يوسف يضحكو و منال ميتة بالحشمة شافها مهدي حب يدخلها في الجو حط يدو على عنقها و جبدها ليه
_مرتي هاه تسالونا 😂 نشوفوك ا سامي نهار تتزوج من البيت متخرجش ههههه
منال : ههههه قيتو راقد بسيف فطن
مهدي : ههه لا قلهم كيفاه نوضتيني و حكالهم ههههه
لكلهم يضحكو و منال بدات تضحك بالصوت _والله حطيتو داعش جاني هههه
-سامي : منال ضحكتك ههههه تقتل بالضحك 😂😂
سعاد فرحت بيهم 😻: هيا تتعشاو راو بردت الماكلة
راحو يتعشاو و منال كل دقيقة تتفكر تضحك وحدها ههه
طلعت للبيت وجدت حوايجها تاع غدوا و نعست... مهدي خرج مع صحيبو (امين) و جا في الليل لقاها ناعسة ... رقد بجنبها
ناضت منال الصباح بكري جاز عليها رمزي يديها للكوافاز... خلات مهدي راقد و هبطت لقات سعاد توجد في الفطور
_bnjrr tata
_صباح الخير منال... شافتها لابسة وين بيها
_رايحة لاكوافاز
_ااا نوضي مهدي يوصلك
_نن او جا ليا رمزي تعيش طاطا كي ينوض مهدي قلو
_بطبيعة بنتي اقعد افطر ساع
_مغسي طاطا منحبش باي و راحت تجري
---------------------
راحت مشطت عند لكوافاز وراحت لدارهم...
في الوقت هذا مهدي ناض ملقاهاش حذاه لبس و هبط... لقا امو تسيق
_صباح الخير سوسو
_صباح النور
_ويني منال
_جا خوها داها للكوافاز بكري
_ااا و لماه مهدرتليش 😑
_اي وصاتني نقلك كي تنوض... مهدي وجد روحك غدوا تروحو للحمامات
_اا والله نسيت ... حطلي نفطر تعيش سعاد
YOU ARE READING
حب بعد الزواج (باللهجة الجزائرية)
Romanceمنحبش المقدمة بزاف نخليكم مع القصة تفهموها
