منال طلعت لبست غوب بيجاما قصيرة لمت شعرها طوماطيشة و هبطت تقفز في الدروج هههه مهما كبرت تبقى تحب تلعب و تضحك و تتمهبل
تغذاو غطست في الماكلة شغلت معاهم و طلعت لبيتها قرات شوية و نعست (الماكلة و الضحك و النعاس الهوايات تعها 😂😂)نعست حتى للعشية جات يماها سقسات عليها طلعت عندها طبطبت ودخلت مسحت على شعرها و قالت
_مانو نوضي حبيبتي نعستي بزاف يوجعك راسك
_حلت عينيها و صوتها مزال بنوم امم ماما جيتي درك نوض
_وي منال خالتك وفاء جات تتعشا معنا
_اا بيان يخي تجيب ولادها😍
_وي قولتلها جيبهم
_اوكي مامي تقعدت و لمت شعرها ماما عيطلي ولد طونطون يوسف بكري
_اا مهدي وش قالك
_كنت فلافاك و قالي مبعد نعاودلك نتفاهمو نخرجو
_اا داكور او محمد قالو اتعرفو قبل ما تجيب لافامي
_وي ماما واش نقلو
_كون عاقلة و خليه هو يقرر لازم تخليه يمد كلمتو خاطر تحسسو بروجولتو
_و كون ميعجبنيش
_زينو 😶!!
_وي ou bien عقليتو
_ههه مهدي نعرفو شباب يهبل لكور و ديكور كيما يقولو هههه و ديك ضحكة تقتل اما نتي خير 😎
_ههههه
_و عقليتو كيما تكون توالف بيه و نتي تبدلها كيما تحب لازم تكسب محبتو و تشوف كيفاه تعيش احلى معيشة ربي يهنيك بنتي باستها و ناضت
_ماما ضهرتي خبيرة في لي غولاصيون و انا معلبليش ههههه
_هههه مالا حبيبتي خليت بوك يجري في جرتي اعادا قبلت بيه هههه ليامات
_ههههه وحدك نتيا هههه
هبطت يماها و هي دخلت دوشت خرجت ب صوغتيدبان و شعرها يقطر قعدت صونا تيليفونها نفس نيميرو تع بكري خلاتو شوية و هزت حشمانة😛
_الو بونصواغ
_بونصوار صافا ياك مديرونجيناكش
_ههه نن (صوتها بالكاد يتسمع)
_الووو
_وي اني نسمع
_ ضحك اه مسمعتكش تقدر تزيدي شوية من صوتك
_ههه اوكي
_عيطتلك على الخرجة وكتاه حابة نخرجو
_معنديش بخوبلام كيما تحب
_غدوا تقراي!!
_وي نخرج على 11h
_مالا غدوا كي تخرج نتلاقاو في ريسطو **** تعرفيه !!
_وي وي داكوغ
_اوكي هذا نيميرو تاعي عيطلي كي توصل
_اوكي a bientôt و كوبات
لبست بيجاما شابة و هبطت للكوزينة قاتهم يوجدو لعشا قالت لماماها غدوا نخرج قالتلها اوكي
""منال تهدر كلش لماماها بصح متمدشles détailles في الامور المهمة تشاورها 😍""
نوقز الباب راحت فتحت لقات خالتها وفاء و بنها لكبير حسام و ختو مايا ضحكت سلمت عليهم و رحبت بيهم دخلو قعدو شغلو شوية و حسام خرج مايا طلعت معها للبيت حكاتلها على لافار تع خطبتها فرحتلها و شجعتها و كي قالتلها مهدي عبدالحق
_ياا منال مهدي عبدالحق ولد يوسف
_وي واش بيه😕
_نن هههه مبيه والو كان يقرا معاي في ليسي بوڨوص لبنات عليه و هو ميقيمش
_هههه زيد احكيلي
_هو عاقل و مربي اما صعيب و واعر شوية بصح يهبل هكا تحسو رجلة سيغ ثو مع الكور تعو طويل 😍
_ههههه 😂😂
_ههههه ليصونسيال كي تهدر معاه او سيغ تحسو متكبر بصح او مع الوقت توالفو
_ههههه وي
_عيطولهم هبطو تلمو على الطابلة تعشاو و سهرو مع بعض❤ نطقت وفاء قالت انا رايحة نخطب لحسام بنت جارتنا 😍 و مدابيا تروحو معاي نتعرفو عليهم
فرحو اكل و مريم بدات تزغرت حسام حشم و ضحك يعيشك مريومة يخليك لينا و باسها
YOU ARE READING
حب بعد الزواج (باللهجة الجزائرية)
Romanceمنحبش المقدمة بزاف نخليكم مع القصة تفهموها
