_بنتي كاين واحد صاحب باباك حاب يخطبك لولدو فاميلية ناس ملاح نعرفوها حنا من جيهتنا قابلين بيهم بصح الكلمة اللخرة تولي ليك هدي حياتك و رايك نحترموه 😘
_ماما مازلت صغيرة و مخلصتش قرايتي في الجاميعة 😶
_معليش منال مزالك عام برك و مش مزروبين على العرس واش رايحا نقلك خممي و قوليلي 😍
...منال طفلة عمرها 22 سنة شابة زينها يقتل عينيها ماغون و شعرها شاطان طويل و ملس حرير 😍 طفلة الصغيرة في عايلتها مدللة ❤و مهبولة عندها ضحكة فانطاستيك 😂 عايلتها غنية لاباس عليهم عندهم فيلا كبيرة بجاردان و لابيسين.. امها مريم طبيبة
و بوها محمد يخدم في شركة تاعو💗 اختها ريم لكبيرة 28 سنة مزوجة في ولاية بعيدة و خوها رمزي 27 خلص قرايتو و يخدم
*منال عاشت قصة حب مع وليد طفل بوڨوص كان يقرا معها دارت فيه كونفيونص و حبتو هو تاني حبها 😑 نهار شفتو مع وحدا 😓خانها و طعنها في ظهرها تشوكات هدا هو لي كان يقلي منشوفش مع وحدة غيرك هذا وليد لي حسبتو فيدال 😭 هي بطبيعتها قوية و متحبش تبين ضعفها جمعت قوتها تنفست باه متبكيش و راحت وقفت قدامهم في الطابلة ضحكت ضحكة مع الطفلة لي معاه و دارت لوليد مغسي بوغ ثو حبيتك و خدعتيني و ضهرت رخيس ربي وكيلك باي 😷 دارت مروحة بزربة حكمها من يدها: منولتي نحبك 😯 قاتلو مزلتي تحل في فمك و تقول نحبك 😒 قالها و عشرتنا ياك قتلك كي تخلصي لقراية نخطبك 😍 هزت يدها و ضربتو كف ✋ قاتلو: انسا طفلة اسمها منال انا منكملش مع واحد كيفك 😑 و دارت تمشي بزربة وليد كان عارف بلي هو لغالط و خسر جوهرة كانت بين يديه 😦**
نرجعو لحوار منال مع مها طلعت لبيتها راسها يخمم بعيد 😶 جازو 5 شهر ملي بعدت على وليد بلوكاتو في الفيسبوك و كسرت لا بيس و قطعت كل خيط يقدر يوصلها بيه 😓 هزت تيليفونها و عيطت لايمان صحبتها من الصغر و أكثر من اختها تحكيلها كلش و هي لي تعاون فيها باش تنسا وليد😍
_الو ميمي
_منولتي صافا
_عندي منحكيلك بب
_شبيه صوتك ياك غير الخير
_لالا متقلقيش مكان والو
_اا حمد لله أرواح عندي نتي انا لازم نشاور لموسيو سي نو يقتلني ههههه
_ههههه داكوغ درك نلبس و نجيك.
ايمان طفلة تهبل مخطوبة جربت قداه علاقة و فشلت حتى اقتنعت بلي ولد لحلال يجي من باب الدار 😍 خطبها صافي 3أشهر فارس طفل شباب و خدام حباتو و تعلقت بيه
لبست منال صالوباث و لمت شعرها كود شوفال و هبطت قالت لماماها و راحت 😘 ايمان تسكن قريبة ليهم و صلت صونات خرجتلها امها لايمان(سلاف)
_منال توحشناك باستها هدي غيبة يا بنتي
_والله يا طاطا سخانة تع صيف تعيي جيتكم ليوم لأنو توحشتكم 😍 وين راهي ميمي
_اي لفوق في بيت عبدو (خوها لكبير) يلعبو بالبلاي هبلتني متعاونيش خلاص كي نقلها تقولي جيب خدامة و انا منرضاش بخدمتهم و طيابهم لازم نوقف على كلش انا ههه
_ههههه ماما جابت خدامة بصح دايمن فوق راسها دير هكا و دير هك
ههههه حتى ماماك ليها وحشة توحشت الڨصرة معاها
هوما يڨصرو تهبط ايمان تجري ببيجاما قفزت عليها تبوس و تحضن ولاو يضحكو
طلعو لبيتها بداو يحكيو
_واش حوالك ميمي مع فارس صافا
_اي بيان حبيت نخرج معاه بصح حتا نشاور ماما
_توحشتيه ا كلبة
_ههههه مالا او غاجلي هداك
_ههههه وي
_هيا ابداي وش عندك تحكي 😂
_ملخر يوسف صاحب بابا طلبني لولدو
_يااااا صح ولادو اكل بقلاواات
_ههه اسكت خليني نكمل هدرتلي يا لموصيبة ههه هدرتلي ماما برك و قاتلي او يزيد يهدرلك باباك و انا حابة نشاورك كيفاه نهدر معاه تعرفني حشامة هههه
_هههه وجه الحشمة هههه كي شغل ماماك سربتلك سيجي 😂 نورمال يقلك واش رايك قولو كيما تحب و هو يفهمها بلي قابلة.
_وشنوا شكون قالك قابلة 😑
_مهبولة لكان متقبليش واش خصهم فامي معروفة و و ولادهم شابين شايفتهم ديجا
_بصح منحبوش
_اه نتي واش دارلك لي حبيتيه خانك و دمرك و لا شوفي انا شحال من طفل صاحبت و مكتبليش معاهم و درك مع فارس حبيتو بعد ما خطبني و حمد لله عايشة لابالvie
_منال تفكرت وليد طاحتلها دمعة مسحتها بزربة و تنهدت قالتلها في هذي عندك الحق بصح كون منحبوش بعد الخطبة كيفاه ندير؟؟؟
_بفف رايحة تهبلني نتي تقول بهلولة هذي باينة تحبو بعد زواج
كملو الڨصرة. منال رتاحت كي حكات معها و بدات تقتنع و بقات تخمم راحت لدار عاونت ماماها وجدو طابلة حطت الخادمة فريدة لعشا و راحت
**فريدة مرا كبيرة ملي سكنو في الفيلا مريم مقدرتش لشغل الدار و تربية الدراري جابتها عاونتها بزاف والفوها ولات فرد من عايلتهم 😍**
تعشاو و كي قريب يخلصو نطق بابا منال قال: ايه بنتي كبرت و ولاو يجيو يخطبو فيها و شاف مع منال حشمت و هبطت راسها و ماماها مريم ضحكت قال رمزي
_شكون هذا لي خطب ختي منمدش تاعي
ضحكو كامل و قال محمد
_مهدي ولد يوسف صاحبي هدر معايا قالي حاب نخطب لوليدي و منلقاش كيف بنتك نتا كيما خويا و بنتك كيما بنتي متخافش عليها
_سكتت منال و قالت بابا منعرفوش منقدرش نقبل درك مام با مشفتوش
_قال رمزي يا ستوتة او بوڨوص نعرفو ههههه
(بابات منال جاي كول متفتح) قالها : خممي مليح و تقدري تخرجي معاه و شوفي عقليتو إلا عجبك يجيب لا فامي و يجي
_قاتلو بابا لي حابو نتا انا راضية بيه و ناضت باستو من جبينو و زادت ماماها
_رمزي قال و انا 😒 راحت حضنتو و تبوس فيه و هو يدغدغ فيها و يقلها صغرونتي رايحا تتزوج 😂
هو صح صعيب و ميخليهاش تخرج بزاف ولا دير كيما تحب بصح يخاف عليها من نسمة الهوا و حنين و يحبها بزاف.
طلعت لبيتها حست روحها مرتاحة من كلام باباها عندها ثيقة فيه و علابالها ميمدهاش لي من جا 😍
عيطت لميمي حكاتلها و فرحت بزاف كوناكتات شوية و نعست.
-----------------------------------------------------------
Vote et commentaire svp Bach nkamel nhateha ga3😘😘😘😘😘
YOU ARE READING
حب بعد الزواج (باللهجة الجزائرية)
Romanceمنحبش المقدمة بزاف نخليكم مع القصة تفهموها
