الاب...بنيه والوحوش اللي بره مترحم بس هي قنعتني وكالت لاتخاف عليه ومن هالحجي وجانت تطلع من الصبح وترجع العصريه تعبانه تاكل وتنام تشتغل بمعمل خياطه وفجأ قبل 7 ايام بالضبط من طلعت من البيت الصبح انقبض گلبي بس محجيت وهي باستني وطلعت وراحت وبعد مرجعت بقيت اتصل عليها وماكو مترد وبليل اتصل بينه ولد گال ياعيني هسه بنتك احسللها من صار بيها هيج اشگد حجيت وياها بالحسنى انو تجي وياي للبيت ومقبلت وكابرت وحتى عرضت عليها فلوس تعيشكم ملوك بس تكبرت واليوم كسرت خشمها عذبتها واغتصبتها خليها هسه ترجعلك وتبقه ع تكبرها وبقه يضحك ومبين سكران واني من سمعت هيج معرفت شسوي ووكعت واخذوني للمستشفى وصار يومين من طلعت وعائلتي افتهمو مني الصار لان جنت اهذي واحجي بالقصه مال بنتي وبقيت ادور ومالكيت شي وهي مرجعت بنيتي خافت ع سمعتنه وخافت مني لان اني ماقابل ع شغلها ومرجعت واليوم التؤم مالتها اتصلت بيها صديقتها المقربه وكالتلها هيج وهيج وراحت يمهم تشوف اللي مكتوب من حضرتك وحجت وياك واجتنه تركض واحنه اجيناك واخذنه بتنه اي هي الجثه اللي حجيتلك قصتها هاي بنتي وكام يبجي ويلطم ع راسه واني ابجي ويا الا ان هديته وسكته وكتله حجي هسه شراح تسوي ميصير تبقيها هيج اكرام الميت دفنه
الحجي..يابويه ماعرف شكلك بس ماعندي افلوس ادفنها والله وبجه
أني ..عمي الناس البعضها شتحجي انت كوم جيب البنات وامهن خلي نكرمها وندفنها وبالفعل اخذتها ورحنه دفناها وحسيت دفنت گلبي وياها حسيت احساس محاسه قبل وبجيت بحرگه ع وضع اهلها وشلون راح يعيشون من بعدها ومن رجعتهم للبيت اتفقو انو يكولون بتهم مسافره يم خالتها بره حتى مينفضحون وهم مالهم احد والناس تضل تحجي بيهم ويصيرون هم والزمن عليهم ومن ردت اطلع صحت ابوهم وگتله عمي اني محتاج سكرتيره تشتغل عندي بالمكتب اذا مابيها شي ومتضوج خلي بنتك الجبيره تجي تباشر من باجر هم اني استفاد منها ترتب شغلي وهم تستفادون من الراتب شويه بجه الاب وگلي عمي ماعرف اشلون اجازيك عالسويته ويانه
واشلون اردلك المعروف اخذها تشتغل حتى لو بدون راتب كافي الصرفته اليوم بالدفنه لاعمي شتحجي انت مو اني السويت اني وسيله من رب العالمين الك ربك هو اللي ساعدك مو اني وبجينه وحضنته وطلعت بس من طلعت اكو شي بداخلي وحسيت فرحان رغم حزني عليها وصلت البيتي وسويت اللي اسوي كل مره اسوي روتيني الاعتيادي بس لاحضو الحزن ع وجهي وسألوني وحجيتلهم ع العائله واللي صار گام ابويه وامي يبجون واني هم بجيت وباسوني ومدحوني وحضنوني وصعدت فوك الغرفتي سبحت ومديت واجت ملاك يمي وراحت واجه رائد وراح واني احجي وياهم وبالي بعيد كل البعد عنهم لان ماعرف شراح اسوي باجر من راح تجي اختها يمي وشلون راح اتصرف وياها ومن اشوفها شراح اسوي خصوصا انو اللي صار مخلاني انتبه ع معالم وجهها حيل ونمت بدون مااحس وكعدت قبل المنبه سبحت وطلعت حت بدون ريوك ورحت الشغلي وكعدت اشرب جاي وبهالاثناء اجه علاء وبشرني بموافقه ورود علي ودك وركص وباركتله وبين مجاي نحجي اجت اي اجت وكفت كبالي وتخربط كياني كله معرفت اكوم لو ابقه كاعد احجي لو ابقه ساكت اطلع علاء لو ابقي اسلم عليها لو شسوي ماعرف وقاطعت شرودي بسلامها رديت عليها وعلاء هم رد وقمت بالواجب وياها ودليتها ع مكانها وجانت حيل تعبانه مبين عليها وعليه واجت كعدت تحجي ويايه عن الشغل وشتسوي وعلمتها واني مرتاح وراحت ورجعت وكالتلي دكتور ثائر بعدك تفكر بأختي اني دنگت راسي وكتلها اي ماعرف شبيه دخلت عقلي مع العلم هي لاحجت ويايه ولا شي ومن جابوها حت نفس مبيها هيج سمعت لان اني وره يومين يلا دريت بيها وشفتها. و و و حجيت اشلون جنت اجي واشوفها قبل وبعد الشغل وبقت صافنه عليه ودمعتها بعينها حقها دموعها ناشفه من البجي وبالاخير كالتلي دكتور لاتزعل وتفهمني غلط انت تحتاج دكتور نفسي لان هيج راح تتأذه حيل وهي بعد ماتت بس انت عايش وساعدتنه هواي ولازم اساعدك اني صفنت عليها وكتلها شلون تساعديني كالتلي اني اعرف دكتور يصير خال صديقتي ونروحله نشوف شيكولك وشتسوي حت تطلعها من بالك صفنت وجاوبتها بس بشرط گالتلي اتفضل وطلبت انو ترافقني وماعرف ليش المهم وافقت ورحنه للدكتور وجانت تروح ويايه والطريق كله بالروحه والرجعه نسولف ع ليان الله يرحمها ومن بين الحجي عرفت انو هن وصلن سادس ونجحن بس مكدرن يكملن جامعه بسبب الضروف ومر شهر واني بديت ارتاح وانسه ليان بس بنفس الوقت بدت ليليان تدخل بعقلي وبقلبي وبديت ارتاح من احجي وياها وهي هم كامت تحبني وترتاحلي ومر 3 اشهر ع مراجعتي والدكتور گلي بعد متحتاج تجي خلص انت جانت حالتك كلش طبيعيه مجرد انو حبيت وهذا شي بداخلك ومطلع اله من شفتها ولان جانت هي ساكنه لاحركه ولا ردة فعل فمتخاف انو تروح يمها وتحجي وياها وهسه انت كلشي مبيك روح ارجع الحياتك ورجعت فرحان واحسن من قبل ومرت الايام وبدت ليليان ترجع الطبيعتها وتتناسه اختها التؤم وترجع الحياتها واني معفتهم رجعت اختها الصغيره للمدرسه جانت رابع اعدادي وسويت لابوها محل
