السلام عليكم اني ثائر دكتور مختص بالتشريح جثث عمري 27 سنه حيل احب شغلي بالرغم من قساوة المناضر اللي اشوفها وصعوبه الشغله وحيل مؤذيه للنفس شغلتي بس احبها لان تعبت لحد ما وصلت لهالمكان اللي اني بي المهم مااطول عليكم اني اعيش وي عائلتي اللي متكونه من أمي تاج راسي وحبيبتي وروحي من هالدنيا. وطبعا هي جانت مديره قسم بشركه لصناعه الجلود بس كبرت واحنه ضغطنه عليها تترك الشغل وترتاح بالبيت ووأبويه الله يحفظه النه ويطول بعمره وهو صديقي حيل بس حيل متعصب وانخاف علي لان عنده خفقان بالقلب ويتعب من اقل شغله تصير ويا وهو جان نقيب بس طلع تقاعد لان قلبه ميستحمل الطلعه والطبه لوقت طويل وعندي اختي الجبيره حنان فدوه الگلبها طيبه بمعنى الكلمه واسم ع مسمى ماخذه دور الاخت والام هم دائما تسال علينه وتتطمن علينه وتجي كل جمعه تسوي كلشي بالبيت لان امي مره جبيره ومتگدر تشتغل هواي وهي مزوجه ابن خالتي وهو مثلها حيل انسان متواضع وطيب وعدهم توم ولد كرم وجود مشعوذين طالعين ع خالهم رائد اللي هسه راح احجيلكم علي 😂😂 هذا رائد مهندس معماري وهاي اول سنه اله بالجامعه ملطلط بمعنى الكلمه مركض بنات المنطقه والمدرسه اللي قريبه علينه لان هو جنتل مان بمعنى الكلمه شعره اشقر وعيونه خضر وطويل ومهتم حيل بنفسه ولياقته البدنيه بس شيفيد هذا كله وهو انسان ملطلط 😂😂 ومااعتقد يجي يوم ويصير ادمي المهم بقه فرد بالعائله معرفتكم علي وهي اختي الصغير ملاك (تشبه رائد بس هي احلى )وهي ملاكي اني اعتبرها مثل بنتي ومداريها بمعنى الكلمه وهي هم تعاملني بالمثل وهي وحده مزيج من الشعوذه واللطافه والجمال والاناقه والرتابه وحشاشه درجه اولى ماخذه من الملطلط اللي ذكرته فوك 😂😂هسه نعوفهم و نرجع لعنوان قصتنه. ونشوف شنو هالعنوان اللي يحير القارء اني مثل مكلتكم انو اختصاصي تشريح جثث نرجع بالزمن يومين ليورا جنت كاعد كالعاده اشتغل بالمستشفى وسمعت الدكاتره اللي وياي ديحجون ع شابه جابوها جانت عليها اثار كدمات وضرب ع وجهها واجزاء من جسمها وحسب مكالو يعتقدون انها مغتصبه ومشموره بمكان باطراف بغداد ولگاها رجل جبير بالعمر وجابها للمستشفى وعافها وراح المهم احنه بالعاده من يجيبون شخص نعوفه بالثلاجه وننتضر الى ان يجون اهله يسألون علي وياخذو او نشرحه حتى نعرف سبب وفاته وهالشي حيل جان صعب علينه وخصوصا اذا الجثه شاب او شابه وبعدهم مشايفين شي من الدنيا بس قدرهم منطاهم فرصه يعيشون ويشوفون حياتهم بس نرجع ونگول الاعمار بيد الله عز وجل المهم مااطول عليكم اني انتابني فضول اشوف الجثه فرحت فتحت الثلاجه وصفنت عليها جانت شابه بمقتبل العمر ورغم بشاعه المنضر اللي هي بي من ضرب وتعذيب بس جانت تشبه الملاك انقهرت عليها حيل وبقيت صافن وبعدين سديت الثلاجه ورحت وعفتها حالها حال اي جثه تجي بس الضاهر مراح يصير هيج ولاراح اعتبرها مجرد جثه عاديه طلعت من المستشفى لان اليوم ماعندي مناوبه او اي شي بالمستشفى لان اني احب اشتغل الشغله بوقتها ومااحب اتماهل بشغلي ابد توجهت للبيت ساعه 8:00 تقريبا واني بالطريق اسوق ووجه هالبنيه ابد مفارقني اتعوذ من الشيطان وارجع افكر بيها الا ان وصلت البيتنه وركنت سيارتي بالكراج ودخلت تلگتني أمي هلا بابني نور عيني وفرحتي الجبيره شو تاخرت يوم
أني .بوستها من ايدها وراسها ودنگت ع رجلها ابوسها هاي عادتي من واني صغير وكمت باستني وحضنتني وكتلها اي يمه جان عندي شغل هواي اليوم وتعبت هسه يلا خلصت واجيت گبل عالبيت
أمي:الله يساعدك يانور عيني اسويلك العشه لو تسبح بالاول
أني:لايوم مااريد اتعبج اني اسوي
أمي .لا يمه اني اسويلك روح اسبح وانزل تلگاني محضرتلك الاكل
أني :ماشي يمه راح اصعد الله يحفظج النه ويطول بعمرج اسبح وانزل
أمي:ماشي يمه لاتتاخر لايبرد الاكل
صعدت الغرفتي سبحت وگعدت ع طرف الجربايه تعبان ورجعت اذكرت البنيه اللي بالثلاجه وبقيت صافن ومحسيت اله ع صوت
أمي :يمه وين صرت الاكل راح يبرد
أني :يي يمه جاي حبيبتي ثواني
اتعوذت من الشيطان وگمت ع حيلي ونزلت لگيت امي كاعده كعدت يمها اكلت وسألتها ع يومها شلون جان وع ابويه كالتلي اليوم هو الحمدلله مبي شي لان مثل متعرفون هو خفقان ويتعب ع اقل شغله اتصير بالبيت وانو هسه هو بغرفته يرتاح لان جان بالباب كاعد يم اصدقائه وتعب ودخل حمدت الله وشكرته وخلصت اكل واتجهت اشوف ملاكي ومرحت لابويه لان جان نايم ومردت اضوجه
صعدت اشوف ملاكي الحلو واول مدخلت للغرفه جانت تراجع ومغمضه عيونها وساده اذاناتها بأيدها وتحجي بصوت عالي لان هي سادس وحيل شاطره بس عادت السنه تحسين معدل لان السنه الاولى ابويه انتكس ووصل للموت بس بفضل رب العالمين اولا ودعواتنه ثانيا گدر يتعده مرحله الخطر ولان هي الصغيره والمدلله مالته ويحبها ويفضلها ع الكل وهي حيل متعلقه بي يسميها كتكوتي الملونه فمگدرت اتكمل السنه. مثل مجانت رايده وبقت تسهر يم راسه ومگدرت تقرا فتركت السنه وجانت اتداوم بس حتى تشوف نمط الاسئله حتى تستفاد المهم مااطول عليكم وهي تقرا ومحاسه بوجودي غلطت بكلمه وفتحت تك عين حت تشوف 😂 واني عطت ها ها ايا غشاشه مو عيب وحرام هي خطيه فزت ورگضت عليه حضنتني ولك من شوكت انت هنا ليش محجيت
أني :من جنتي بفلان سطر
ملاك :حيييل وشعندك باقي واكف تستحي تدخل
أني:لا مو مردت اضوجج وانتي ادرسين خطيه
ملاك:ايباخ معرفتك هيج گايم تحس بغيرك وتحاسب ع مشاعره
وضحكنه وكفشتها وسألتها اذا محتاجه شي ام اللسان وجاوبتني 😑
ملاك :يي البخيل مو عيب تجي وايدك فارغه
أني :ولج منو البخيل لو ماراتبي ميوصل النهايه الشهر من وراج انتي وملطلط افندي (اقصد رائد😂 )
ملاك؛اني ابنيه والصغيره مالتكم شعليه برائد ابو البنات ميشتغل ويصرف ع روحه وبعدين مبقه شي واتخرج واصير دكتوره والله ليعوزني الك ارجعهن ان شاءالله 😌
أني :والله خوش هيج صارت يعني ممحتاجه اليه اوكي خلي نشوف منو يطلعج ويشتريلج اللي بنفسج وياخذج مطاعم ويجيبلج هدوم الجامعه و و و و الخ من عيني وبالجذب سويت نفسي زعلت وكمت وكفت
ملاك :لا لا لا يمعود والله العضيم اشاقه شبيك متتحمل صاير. هو اني شعندي غيرك غير انته ابويه واخويه وصديقي وكلشي بالنسبه اليه وحضنتني وباستني من خدي واني هم مجذبت خبر كمشتها وعضيتها وخربت شعرها وبوستها وكتلها هو اني منو اليه غيرج انتي واهلج وانتي عندي تسوين الدنيا واللي بيها وطلباتج اوامر وحت لو صرتي دكتوره تبقين اختي الصغيره وابقه اصرف عليج 😍واذلج 😌 وضحكنه وطلعت من الغرفه حت تكمل دراستها واتوجهت غرفه رائد ملكيته ونزلت ادور علي وسألت امي وعضتلي شفه عود اسكت لان مشفت ابويه طلع كاعد بالاستقبال واني عبالي نايم وهو يتخبل من سوالف رائد وخصوصا هسه ساعه 11 وهو بعده مراجع للبيت رحت سلمت علي وبسته من ايده وراسه وكعدت سالته عن صحته واشلون جان يومه وهو يحب اكعد واسولف ويا لان هو صديقي المقرب ومن خلصت وكمت صاحني
ابويه :بابا ثائر اخوك رائد وين
أني :ها بابا رائد نايم بغرفته فوك
ابويه .يي هو شعنده غير الاكل والنوم والركض وره الجنس الاخر (يقصد البنات ونسيت اكوللكم ابويه حشاش بس بحدود مو دائما يحب يشاقه ) ضحكت وصعدت فوك ركض اتصلت برائد العاقل 😏
أني.:الو
رائد.:الوات منو حضرتك وليش متصل ع رقمي. شنو هالناس ياربي ماعندك خوات تتصل بهيج وقت ع بنات العالم
أني.:دنجب لك ملطلط اني ثائر مو رائد وادك ع بنات الناس بهيج وقت 😝
رائد .:احووو😱 راح تبدا الاسطوانه مال كل مخابره تخابرها اليه مااصير عاقل لو يجي هبل هسه عوفوني هي الحياة تنعاش مره لو مرتين
أني.:ولك هسه عوفنه من لطلطتك ابويه سأل عليك وكتله نايم بغرفته وهو كاعد بالاستقبال انت وين شوكت تجي حت اسويلك طريق تفوت
رائد:.😳 صدك كاعد بالاستقبال هسه اني شلون افوت بلا اني براس الفرع جاي
أني :.ولك لعد اذا قريب ليش فتحت خط عليه وخلصت رصيدي بسوالفك التافهه جان جيت واترزلت وكان الله يحب المحسنين
رائد .:ولك اني وين وانت وين يارصيد التحجي علي هسه اني شلون ادخل للبيت الرصيد هسه اجيبه واشمره بنص خلقتك
أني:.يي مو فلوسك هواي رائد افندي لو مو كلهن مني وباقي اصرف عليك وع صديقاتك
رائد .: ولك باجر عگبه اتخرح واتوضف وارجعهن عالجزمه الك 😌
أني .:اي ادبسز انت واختك نفس الاخلاق ونفس اللطلطه والحجي هسه هم كالت هيج
رائد:.يي غير اني وياها تربيتك انت اخونه الجبير لو نسيت ومن شابه اخاه فما ضلم 😜
أني :.خوش لعد اذا طلعت هيج شوف منو يفتحلك الباب ويگوم ابوي من الاستقبال (الاستقبال صايره مقابيل الباب الرئيسي مال بيت ويفصله عنه بس شبابيك كبار )
رائد :.لا فدوه الگلبك دااشاقه والله هو احنه شعدنه غيرك وغير جيبك اللي يكت فلوس حبيبي انت شتريد اسويلك بس افتحلي الباب
أني .:خوش عود من تجي اكلك شتسوي وراح انزل اطلع بابا من الاستقبال لان خطيه نقهرت عليك خاف تنطرد وبگلبي اكول واني هم انطرد لان جذبت ع ابوي وكلت هو نايم فوك وهو دايح بالشوارع 😂
نزلت ع بابا وكتله يابه كافي اخبار من غير شي انت گلبج تعبان انوب اتشوف هالضيم ميسوالك اتعب نفسك
بابا .:اي والله وليدي حال الناس يبجي الصخر الله يستر علينه ويعينهم ويخلصهم من ضيمهم بس اريد اصعد اشوف كتكوتي الملونه (يقصد ملاك ) خاف هم سهرانه واخاف عليها لاتتعب 😳راح يصعد بس لا يروح الغرفه رائد😱
