😳راح يصعد بس لايروح الغرفه رائد واني اروح بالرجلين لأن جذبت 😢
أني:.بابا لاتصعد الدرج مو زين عليك هسه تتعب وترجع تتمرض وميسوه هالشي قبل نص ساعه اني صعدت شفتها وجانت تريد تگوم تسبح وتنام لان خلصت اقرايه الامتحان واكيد هسه نامت ليش اتعب نفسك (ازحلك حجي فدوه العينك راح ينجلط ثائر من وراك ومن غير رائد الملطلط اللي باقي واكف بالباب منتضر اتصال من اخو حتى يفوت 😂)
أبويه :.اها زين ابني همزين طمنتني بس هم من تصعد مر عليها خاف تسهر وميسوالها اتعب نفسها هيج قبل الامتحانات ومن غير شي اني بالي يمها لان راحت ذيج السنه عليها من ورايه
أني :.فدوه العينك يابه انسه الصار الفات مات وكلشي راح بوقته وانت مالك دخل قابل هو المرض بأيدك وهي لو الله قاسملها جان مرضك موگف بطريقها هسه مو رائد نجح مع العلم هو جان سنه ثانيه و يجيبها ويوديها شلون ماجان وهو اكثر واحد بينه رگض وياك وجان الليل كله يبجي عليك واسمعه واضل اهدي بي بس الله قسمله وصار مهندس 😍
ابويه.:فدوه لبو عقل الجبير يايابه والله ارتاح من احجي وياك شبي رائد ميصير مثلك ويبطل عادته البارحه اجاني طفل صغير ايگلي عمو خلي ابنك يوخر من اختي لايركض وراها لان اذا ابويه شافه يركض وراها هم يكتله وهم يبطل اختي من المدرسه وهي خطيه واني مااحب المشاكل ومراح اكول البابا علي لان هو مريض واخاف علي يموت مثل ماماتت امي وعافتنه وخلاني حرت وين اودي وجهي منه وهو طفل وشوف حجيه شلون معدل ومرتب وشوف اخوك الادبسز كون بس اكمشه بس هو مخلصها اكل ونوم مدري شلون ينجح
أني .:عوفه يابه نايم كفينه شره واني احجي ويا باجر بلكي يتغير شي ويبطل من البنات (وبگلبي اگول يابه لو تدري بي بعده بره ومداخل للبيت جان سگطته )
يلا يابه فوت ارتاح .دخل ابويه للغرفه وبعد ما تأكدت انو سد الباب وبعد ميطلع عجبني اخبث وكلت خلي اكعد اشوفلي شي بالتلفزيون مدام ابويه نام واخلي هذا الملطلط بره بلكي يتأدب شويه 😊 گعدت ولكيت برنامج بقيت اتفرج وكل ميتصل رائد اسده بوجهه 😂نزلت ملوكه وجانت جوعانه راحت سوت لفه اليه والها وكعدت يمي وحجينه ع رائد وهي مثلي متحب الخباثه ابد 😌كالت عوفه يتربه وبقينه نتفرج وبقه رائد يلح ونسده الا ان رق قلب ملوكه وكالت خطيه صارت ب 12 واحنه نريد نصعد خلي يفوت حت نقفل البيبان بس خلي نخبث شويه دك رائد وهي فتحت الخط وراسا كالت
ملاك .:ولك رائد عزه بعينك ابويه دره بيك بره وبقه كاعد بالاستقبال وصار ساعه يغلط عليك ويتحلفلك اله يبيتك بالشارع ياخي ليش متسمع كلام واصير مثل ثائر وترجع من وقت مو تدري ابوي مريض وميستحمل
رائد :.ولج اشبيج اكلتيني وشربتيني انطي مجال احجي هسه شلون اخوج وين شوفولي طريقه افوت بيها بدون ميشوفني 😭مابيه حيل اترزل واخاف ليصير بي شي 😢
ملاك.:ماكو غير طريقه وحده تكدر تفوت بيها للبيت
رائد .:شنو هي گولي فدوه ووعد باجر اخذلج اجازه واطلعج للمول
ملاك.:الطريقه هي وسكتت
رائد .ولج احجي مو فتيتي گلبي
ملاك :.تفوت من الباب ويشوفك ابويه وتترزل وتخلص السالفه ماكو غيرها وعادي تكبر وتنسى وسديت الخط 😂😂😂😂وبقينه نضحك اني وثائر ع رائد وهو خايف بره وطلعنه فتحناله الباب ووجهنه معبس ونكوله قوي گلبك واحنه راح نساعدك ومن هالحجي اللي يزيد الخوف بگلبه حت يتربى 😝
ودخل وهو ينطق الشهاده
وفات وشاف البيت اضلم وماكو ابويه وباوع علينه هيح 😠وبده يصير هيج 😡 وطگيناها بركضه اني وملاك لغرفنه وهو ورانه يغلط بس بصوت ناصي يخاف 😂 وقفلنه البيبان علينه ونمنه وعفنا يتوسل نفتحله باب من بيبانه حت يكتلنه وتعب وراح الغرفته حت ينام 😴 من هده الوضع واجه وقت النوم وتمددت ع جربايتي رجعت اتذكرت يومي شلون جان وشسويت وطبعا اتذكرت جثه البنيه وبقيت افكر شلون بيها وشراح يكون حال اهلها من بعد فقدانهم الها ومن يشوفوها شراح يسوون خصوصا انو هي عليها اثار الضرب والتعذيب واحتمال جبير اللي مسوي بيها هيج يكون معتدي عليها و و و الخ وبقيت اتذكر ملامحها شلون جانت بريئه وحلوه وصحيت ع نفسي وكمت للمرايه وكلت عزه العزاك ثائر شبيك تخبلت هي جثه شنو تفكر بيها يعني هي ميته حتى مو مريضه وتكول تتعالج وتصير زينه بعدين وبعدين حت لو مريضه انت شكو تفكر بيها شتعرف عنها ووووو الخ وبقيت احاسب نفسي بس هم ارجع وافكر انو لو جانت عدله مميته واشوفها شلون راح تحجي شلون راح تمشي وشلون تتصرف رجعت صحيت وضربت نفسي وخليت المخده ع راسي ونمت گعدت الصبح كالعاده سبحت وبدلت ومشطت شعري ونزلت لكيت امي مسويتلي ريوك سلمت عليها حضنتني وبوستني واني اريد اطلع صاحتني ملاك وكالتلي السايق اليوم اجازه انته وديني بطريقك للمدرسه بستها واخذتها ويايه بالسياره وبقينه ندردش واوصيها ع دروسها ومدرساتها وهي بمدرسه اهليه ووصلتها بوستني ونزلت ودعتها ورحت للمستشفى واكو شي بداخلي مااعرف اوصفه يمكن اتخبلت 😧 واكيد راح اضحكون عليه بس جنت افكر اول مااوصل ارو ح اشوف الجثه واتأملها وبالفعل اول مدخلت للمستشفى وبعد مسلمت ع الكل اتجهت للثلاجه وباوعت عليها وبقيت صافن واخذتني العبره وبجيت واول مره ابجي ع جثه😔 لان هو هذا شغلي ويتطلب قلب قاسي ومع انو قلبي مو قاسي بس جنت اكابر ع نفسي وماابين ضعفي كدام الاطباء بس هالمره غير هاي الجثه احسها تختلف احسها تتواصل ويايه بدون وعي وافكر بيها ومحسيت غير ع ايد تلامست كتفي وفزيت ولكيته صديقي علاء ورأسا سديت باب الثلاجه وكتله ولك شجابك هنا مو عندك عمليه 😒
علاء.:اي والله بس تاجلت لان المريض ارتفع ضغطه من الخوف وديحاولون ينزلو اله يلا يدخلو للعمليات
أني.:خطيه الله يساعده العمليه مو هينه
علاء :.اي صح هسه عوفنه وتعال گلي اشعندك يم هاي الجثه شنو سلمو شغله تشريحها الك ؟
أني.:ها لا بس هيج ردت اشوفها اصلا هي محد سأل عنها وباقيه هيج من يومين لان اني بارحه يلادريت بيها بس هي جايه قبل يومين واني مادري وسمعت عن طريق الصدفه والله يعلم شگد بقت مشموره بالشارع لحتى ربك دز هالرجال الادمي وشافها وجابها لهنا 😣
علاء:.الله يساعد گلب اهلها عليها هسه شنو حالتهم خطيه وهم ميدرون بيها وين اراضيها 😦
أني:.اي والله من بارحه افكر بيها وبيهم ومراحو عن بالي ولا لحضه بس الحمدلله لگوا جثتها كامله ويگدرون يدفنوها عاد😳.
