Demigoddess - Daughter of Zeus

i. how i, daughter of zeus became daughter of zeus

i. how i, daughter of zeus became daughter of zeus 

/insert thunder's roar here/

Kung ang iba eh may iba't ibang music pampagising o malakas at nakakarinding alarm clock ako--merong kulog bilang alarm clock. Syempre sino pa bang may pakana. 

Napatingin ako sa orasan ng phone ko. 

Sht!

"Popsy bakit ang late mo 'kong ginising?!" Napasigaw na lang ako sa inis sabay tanggal ng kumot ko't pasok sa banyo para maligo.

Alas otso na nang umaga at kung mamalasin ka nga naman, 8:30 ang pasok ko ngayong araw. Grabe, Popsy! Grabe talaga, sobrang aga mo 'kong ginising! Salamat ha? Salamat talaga! Sarkastiko kong sabi sa ama ko sa isip ko.

Halos limang minuto lang akong naligo tapos bihis agad. Nagsipilyo na 'ko tyaka uminom ng tubig at dali-daling lumabas sa munti kong bahay--oo, may sarili akong bahay. At bago pa ako matuksong magkwento sa inyo papara muna ako ng bus.

8:12 na at wala pa ring bus na nadaan. Ilang minuto pa akong naghintay at sa wakas eh may dumaan na rin. Kahit sobrang siksikan na sa loob wala na akong oras pang mag-inarte kaya sumakay na kaagad ako. Wala ng upuan kaya nakatayo ako run. 

Letche, wala man lang gentlemen sa mga 'to :3

Ang unang good news na nangyari sa akin ngayon e walang traffic. Kaya 8:25 nasa school na 'ko. Bongga, five minutes para tumakbo -___________-

"Oh Miss Galman, you're..." Chineck niya 'yung orasan niya, "one minute late." Tapos nginitian niya ako. Ngumiti ako pabalik tapos tuluyan nang pumasok sa klase niya at umupo sa proper seat ko.

Greek Mythology unang subject ko. Gustong-gusto ko na sanang i-ditch 'tong subject na 'to kasi--duuh? Memorize ko na lahat ng story/legends or whatever mang nasa Greek Myth. Malamang, kung nasa mismong Greek Myth ang tatay mo siguradong mame-memorize mo rin lahat ng nandun.

Haaay... favorite teacher ko kasi si Ma'am Ferrer and in return, favorite niya rin ako. Magaling kasi ako sa klase niya. Palaging ako 'yung nagrereport. Palaging ako 'yung nagrerecite pala akong got all sa mga quizzes at exams. O 'di ba, laking tuwa lang sa akin ni Ma'am Ferrer. Minsan nga nakwekwento ko pa sa kanya 'yung mas detalyadong storya kesa run sa mga nasa libro. Syempre si Popsy ang nagkwento kaya mas detalyado. Palagi niyang sasabihin na kung magkwento ako parang ako mismo 'yung nandun.

"Today we're going to talk about the Goddess Hera. Goddess of women and marriage." Anunsyo ni Ma'am Ferrer.

W-What?!