نەمـردم من ئەگەر ئەم جارە بێ تـۆ
نەچم شەرت بێ هەتا ئەو خوارە بێ تـۆ
دەرونم خاڵییە وەک نەی دەناڵێ
بێنایەم کوێرە هەڵنایە بەڕووی کەس
مـووژەم  یـەک یـەک دەڵێی بزمارە بێ تۆ

قەسـەم بوو شەرتـەی دیداری پاکـت
شـەرابم عەیـنی ژەهـری مارە بێ تـۆ
لـە کن تۆ خـوار و خاس گـوڵزارە بێ مـن
لە کن مـن خـەرمەنی گوڵخـارە بێ تۆ
لـە کن مـن با وجودی نـاس و ئەجناس
کەسـی تێدا نییە ئەم شــارە بێ تــۆ

هـەتا تـۆم ئاشـنا بـوی ئاشنام بوون
ئەمێسـتا مـوو بە مـووم ئەغیارە بێ تـۆ
لـە حەسرەت سـەر و قەدت چاوی نــالی
دوو چـۆگە بەڵکوو دوو ڕووبارە بێ تـۆ