^^ العرض طاولة هتان بالمدرسه هههههههههههه !
_______________________________________
نواف ضرب ع الطاوله قدامهم : ايييش عندددك هنا ؟؟؟!
انفججججعت لما شافته و وقفت و خافت......
نواف : تكلمي !!!
جا من وراه و هو مستغرب .....
مشعل : هلااا والله نواف ...
نواف ناظرها بعصبيه : انتي طااالعه معه ؟؟!
مشعل : كلمني انا .. اييه طالعه معي انا خطيبها ما فيها شي..
نواف : اهلك يدرون ياا جوود ؟!
جود محجره دموعها : لأ .. ما .. ما يدرون ..
نواف مسك يدها : اجل امشي اوصلك البيت ..
مشعل : ترى البنت ما سوت شي غلط كلها كم سنه و نتزوج ..
نواف : اذا اهلها وافقوا تطلعون مع بعض انا ما رح اتدخل ..
مشعل : انت اصلا مب اخوها عشان تتدخل .. مالك شغل يااخي ..
نواف : هذي بنت عمي شرفها شرفي .. و اذا عدت الكلام هذا مره ثانيه ما بيحصل لك خير ..
مشعل : طيب ليه عصبت رووق ..
نواف عطاه نظرة حقد ثم سحب جود معه : و انتي يالله ...
طلعها برى المطعم و قام يهاوشهاا و هي تبكي .....
نواف : مب صاااحيه انتي .. مجنونه تطلعين معه من ورى اهلك ..؟!
جود : لا تعلم اهلي تكفى .. والله ما غلطت معه بس هو يقول اشتاق لي و انا جيت اشوفه ..
نواف : ياا جود بس لا تبكي .. و اسمعيني كويس .. غلط تطلعين معه لحالكم و انتوا حتى مو مملكين .. اصبري لين تملكون و اطلعي معه قد ما ودك .. اتفقنا ؟
جود : ان شاء الله .. بس اهلي .. اهلي لا يدرون ..
نواف : طيب ما بقول لاحد .. بس خلاص لا تبكي ..
جود مسحت دموعها : ط طيب ..
نواف طلع جواله : بدق على رنا عشان نرجع البيت ..
جود : اووبس اذا طالع مع رنا خلاص رح اقعد معها .. انا بدق على السواق واللحين بيجي و ياخذني ..
نواف : لا مستحيييل اخليك و مشعل باقي هنا .. يا نروح البيت سوا و لا تقعدين معنا ..
جود : كل الخيارين تفشل .. ما ابي اخرب عليكم تكفى .. طيب بقعد على طاوله مقابلكم لين يجي سواقي ..
نواف : خلاص مثل ما تبين .. بس اذا جا مشعل تعالي عندي .. طيب ؟
جود : لا ما رح يجي تطمن .. يالله روح ل رنا انت تأخرت و اكيد هي قلقت اللحين ..
نواف : اييه تغطي و اقعدي مقابلنا .. ما ابي رنا تعرفك ..
جود : اوك ..
نواف ~ لو خالد اخوها هنا ماا اظن تفكر تطلع ! بس الظاهر محد منتبه عليها ابي افهم فهد هذا ويييينه !؟ اخ ع الفاضي ! ...
رجع للطاوله عند رنا ....
نواف : اسف تأخرت عليكم ..
رنا : لا عادي .. شفتك وقفت عند الطاوله اللي هناك .. انت تعرف اصحابها ؟!
نواف : ايييه .. واحد من معارفنا سلمت عليه ..
رنا : اهااا ..
نواف : المهم .. قررتوا اش ودكم تاكلون ؟؟!
رنا : يب قررنا ...
نواف : .............
تعشوا و امورهم كانت تمام .. و جود ما طول سواقها حتى جا و أخذها و لما شافها نواف راحت تطمن .. خلصوا عشاهم على خير و رجع رنا البيت و رجع هو بعد بيته ...
في الشقه ... طولت حنان في نومتها .. و اخيرررا صحت ...
حنان : هئئئئئئئئئئئ صارت الساعه 8 و لا صللللليت !..
راحت ركض توضت و صلت .... ثم رمت نفسها مره ثانيه ع السرير ..
حنان تنهدت ~ احس بتعب مو طبيعي ...
دخل وليد الغرفه يتفقدها .....
وليد : صح نووومكك ..
حنان : هلا .. صح بدنك ..
وليد قعد مقابلها : بترجع تنام و لا وشو ؟!
حنان : مدري .. بس احس بتعب ما دي اقوم من سريري ..
وليد : لاا تكون مررريض !..
حنان : لا لا هذا .. هذا ارهاق المدرسه مو اكثر ..
وليد : طيب .. اش ودك تاكل ع العشا ؟
حنان : يسلموو ما ابي شي ..
وليد : ليييه ؟؟! .. انت ما اكلت شي من لما جيت .. و اشك انك اكلت في المدرسه ...
حنان : والله مالي نفس اللحين .. يمكن بعدين اكل ..
وليد : اوكيه على راحتك .. بس لازم تاكل كويس ..
حنان توجهت ناحية الجدار وهي منسدحه : ان شاء الله ..
سكتوا للحظه .. ثم تكلم وليد .....
وليد : ما ودك تسولف لي عن اللي صار معك بالمدرسه ؟؟!
حنان لااا رد ....
وليد باستغراب : حممممد ! .. وش فيك ما ترد ؟!
حنان لاااا رد ....
وليد قام يشوفهاا ~ ما شاء الله نااامت ! .. توهاا صحت ! .. يالله نومة العافيه ان شاء الله ...
غطاهاا بلحافها .. ثم طلع من الغرفه .....
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
