وش سويتي فينا يا بنت ؟!

بارت 17

بعد ما راح ......
ماجد : هههه خطييييير نواف ....
وليد : هههههههه و يونس بعد ...
ماجد : بس خف علييييييه شوي ....
وليد : ايييييييه طيب ...
راح نواف فتح الباب ... دخل شافها بسابع نومه للحظه كسرت خاطره ما وده يصحيها .. قعد على سرير وليد تكتف و حط رجل ع رجل ...
نواف حراااام كاسر خاطري لو اخليه ينام ...
ثم قام يتأملها ... كانت نايمه و خصلات شعرها على وجههاا شكلها مررره بريء و مبين عليها التعب ...
نواف مهما طالعتك و تأملتك في احساس بداخلي يقول انك بنت .. (ابتسم) اتمنى لو كان بنت ... ( تنهد ) ...
بالصاله ......
وليد : ما كنه تأخر كل هذا يصحيه ....
ماجد حط اصبعه على فمه بمعنى اووووص ثم همس : امش بشوي اشوي خلينااا نشوف ..
وليد ابتسم بخبث : اوووووكيه ..
وراحوا للباب ... فتحوووه شوووي .. و يطلون .. نواف ما انتبه ... ثم قعدوا يتهامسون ع الباب ...
ماجد : وش يسوي ؟
وليد كاتم الضحكه : واضح يتأمل ..
ماجد : الحمدلله و الشكر ..
وليد : هههههه اسمع بعد لي الثلاثه بس اقول 3 ندفش الباب و ندخل ..
ماجد يهز راسه اوووووكيه ...
وليد : يلاااا .... 1 .... 2 ..... 3 ......
ثم طرااااااااااااااااااااااااخ ...
نواف فز من مكانه انفجع ... حنان و لا كأن شي حاصل مبينه تعبانه طول الليل ما نامت يعني داومت مواصله .. و ع المشاكل اللي صارت لها احسن حل عندها النوم ...
نواف بعصبيه و يحاول يخفض صوته : الله لا يبارك فيكم قولوا امين يا الزلايب...
وليد : هههه بالهون بالهون تراه ما صار شي ...
نواف يحط اصبع ع فمه : اووووووش مو شايف انه نايم ..
ماجد : مو قلت انك بتصحيه ؟! .. تأخرت و جينا نشوف وش القصه ...
نواف تقدم ناحيتهم و طلعهم من الغرفه : وش بلاكم انتوا ما عندكم احساس ...
وليد بمزح : ياااااا لبه اللي عنده احساس .. خنقتني العبره ههههه ...
نواف يدفش وليد : لو ما تترك الكلام الفاضي ﻻ اوريك ...
وليد يتخبى ورى ماجد : يمممممه خوفتني !
ماجد : ههههههههههههه احياانا يا وليد عليك حركات تضحك ...
نواف : مناك بس قال يضحك ... شكلي يوم بمسكه و اكفخه الى ان اطلع حرتي فيه ...
وليد : عن الكلام الزايد ... كل هذا عشاان حبيب القلب حمد ( يغمز له )
نواف عصب : مجوووووود سكت خويك ..
ماجد يهمس لوليد : شكله عصب من جد .. ما قلنا لك خف عليه ! وليد : ههههههههههههه وش اسوي له يونسني ...

نروح لخالد شوي ... بعد ما وصلوا من الجامعه سامي قعد في بيت خالد تغدوا ثم راحوا للمجلس يتكلمون ...
سامي : اجل تقول لي حمد شغل تفكير نواف ...!
خالد : هذي الحقيقه للاسف ...
سامي : و ليش انت متضايق ؟!
خالد اقوله ان نواف يفكر بحمد على انه بنت .. ﻻ ﻻ ماله داعي هذي سالفه بيني و بين نواف ..
سامي : هيييه وش تفكر فيه ؟
خالد : همم ابي منك نصيحه اي شي ممكن انه يبعد نواف عن حمد ..
سامي ابتسم : يا رجال انت تبالغ بخوفك عليه ...
خالد بجديه : ماني مرتاح .. احس لو نواف يبعد عن حمد يكون احسن له ..
سامي : اقولك شي .....
خالد باهتمام : قول ...
سامي : بيني و بينك .. انت مو متضايق من حمد ﻻنك تحس ان نواف مهتم فيه و نساك ... و برضو خايف ﻻ يصير بعيد عنك ...
خالد : ﻻ ﻻ ابداااا......
سامي قاطعه : انا خويك صارحني ... اذا ما حكيت لي بتحكي لمين ...
خالد تنهد : صح اني فكرت كذا بالبدايه لكن اللحين .....( سكت)
سامي : اللحين ايش ؟
خالد : اقولك شي ... انسى الموضوع ..
سامي توه بيتكلم دخل اخو خالد ......
فهد : خالد ممكن اكلمك شوي ....؟
خالد تنرفز من اسلوب اخوه : سلم ع الرجال طيب ...
فهد اووف يا حبه للرسميات ..دام اني محتاجه بسايره : هلاا سامي كيفك ؟
سامي : الحمدلله بخير انت كيفك ...
فهد بدون نفس : تمام ..( ناظر اخوه ) واللحين ممكن نتكلم ؟
خالد : معليش اعذر اخوي امسحها بوجهي ..
سامي : لااا عادي اعتبره اخوي
خالد : ابعدي والله ..عن اذنك شوي ...
سامي ابتسم : خذ راحتك يا الحبيب ...