صباح الخير، بقالي كتير غايبة ومش منتظمة وبقول يوم الاتنين والخميس هنزل الفصل واغيب فترة اطول من اللي قبلها، الواتباد مسحته قبل رمضان ورجعته قبل العيد بكام يوم واتفاجأت برسايل على الخاص وتعليقات على التأخير بطريقة قليلة الذوق وبصراحة ده أكبر سبب بيحبطني من الكتابة أنا أول ما انزل الفصل بلاقي التعليقات عبارة عن "الفصل قصير، امتى الفصل الجديد، دي قلة تقدير واحترام، طالما مابتنتظميش في المواعيد وقفيها احسن" ده غير الرسايل اللي على الخاص وحشة وبشعة أوي
أنا رافضة اساوم القارئ على عدد معين من التصويت عشان مش حابة أجبر حد يقرالي ولغاية دلوقتي أنا مارديتش وسكت، اتمنى تراعوا شوية إن الفصل اللي بيتقرا في خمس عشر دقايق أنا بقعد في ساعات وأيام كمان عشان أنا برضو بشتغل ومش ببقى فاضية
دمتم بخير وصحة وسعادة وكل سنة وانتوا طيبين وعيد سعيد، نتقابل يوم الاتنين الجاي بمشيئة الله تعالى ❤
فاطمة الزهراء عرفات
السلام عليكم ورحمة الله ❤
الفصل بعد ما كتبت جزء كبير منه اتمسح، يمكن تشوفوها حجة زي أي مرة بقولها بس حقيقي اتمسح مني بالغلط وهنأجلها ليوم الجمعة ان شاء الله