Majd97Alachkar

ما عم أعرف قسم وقتي❓❓
          
          القاعدة الأولى 1️⃣
          
          في جملة إذا افمتها بتختصر كل شيء ممكن تشوفه أو تسمعه عن تقسيم الوقت. وجد هي سحر (مو مزح وعن تجربة). الجملة لكاتب أميريكي بقلك.
          
          Eat the Frog first. and if you have to eat two frogs, then eat the bigger one.
          
          يعني عندك شغلة لازم  تعملها. اعملها أول ما تصحى، وإذا عندك شغلتين، اعمل الشغلة المهمة قبل الشغلة الأقل أهمية. 
          
          القاعدة الثانية 2️⃣
          
          أول يوم لما بتنظم وقتك ما حتمشي الأمور بالحرف مثل ما نظمته، لكن يوم عن يوم حتدرك طريقة أفضل وأفضل للتنظيم. إذًا القصة بتاخد أيام. مو إذا ما أنجزت يلي عليك بسبب سوء التنظيم من أول يوم تستسلم. تنظيم الوقت قدرة منكتسبها مثلها مثل اية مهارة أخرى.
          
          القاعدة الثالثة 3️⃣
          
          نظم يومك قبل بيوم!!! يعني قبل ما تنام نظم اليوم التاني. هي من أهم النقاط. لما بتنظم يومك قبل بليلة، بتعطي أوامر لمخك أنو ينتظم على مسار معين. بتجي اليوم التاني بتشتغل وكأنك عرفان شو حتساوي. بدون ما تفكر وتضييع وتضييع وقتك. 
          
          بتمنى تكون المعلومات فادتكن. لا تنسوا تابعوني وتقرؤا القصص تبعي. آخر قصة  "سعدون أيها الشقي" ناطرة قراءاتكم وتعليقاتكم. ❤️

Majd97Alachkar

بتحب تصحى بكير؟ ❓
          الأعمال مننجزها بكير أحسن وعلى أكمل وجه. منقدر ندرس ونقرأ ونكتب ونعمل كل شيء بيوم واحد. 
          
          بس لو صحينا بكير، منحس اليوم طويل ومعنا وقت منيح. ⏳
          
          بس أصعب شيء أني أصحى️
          
          كتير عالم بتلاقي الفيقة بكير خاصة الساعة ستة أو سبعة وإذا ما عندها شغل أصعب شغلة، بدك الحل؟ ️
          
          ألف منبه أكثر حركة غلط، أن تحط عشر منبهات على الموبايل مشان إذا طفيت واحد يرن التاني، كأنك عم بتقلوا لدماغك أنا ما بدي أصحى، أنت عم تحكي مع عقلك الباطن وعم بتقول لحالك أنا ما حأصحى عأول منبه، كيف بدك تصحى لكن، طبيعي تضل نايم وتطفي المنبهات كلها وما تفيق عليها، طبيعي تصحى الساعة عشرة بعد أربع ساعات من ميعاد الوقت إذا بدك تحط عشر منبهات. ⏰
          
          ١-لا تحط غير منبه واحد (١) ‼️
          
          ٢-وقبل ما تنام، شغلة مهمة كتير!!! قبل ما تنام كون عرفان شو بدك تساوي لما تصحى، اكتبهن عورقة قبل بيوم، هيك عم تعطي حالك سبب لتصحى ✏️
          
          الشغلة الثالثة والأهم، لأن ممكن بدونها، بظن غالبنا هيك، ما يصحى حتى لو كان عرفان شو بدو يساوي وحتى لو حط منبه واحد، أهم شغلة وهي الخلطة السحرية.
          
          ٣-أول عشر أيام بتصحى فيهن، لا تشتغل الصبح لمهمة صعبة، بس أول عشر أيام، فيق العب بلاي ستيشن، فيق اعمل شغلة بتحبها، اقرأ، اكتب، اتسلا…
          
          هيك بتكون عطين حالك سبب كتير منيح لتفيق، بعد عشر أيام، حتصحى على الستة بدون ولا سبب. صدقني طريقة مية بالمية مكفولة وناجحة ومجربة. رمضان كريم