28/1/2012 دخله (اهلاوي ثورجي) دي كانت البدايه الحكايه ابتدت من عند كاريكا لما شاف بنت بلده بتضرب وبتتعري م الداخليه ف الشارع نزل واتقتل برصاص الشرطه العسكريه في سبيل الحريه كاريكا صحا كل واحد فينا كاريكا زرع جوانا مفهوم الحريه بمعني انك لو شوفت حاكم ظالم فاسد متخافش منه لمجرد سلطته النسر اللي ع كتافه ميخلكش تكتم صوتك وتعمل نفسك اعمي!من هنا اولتراس اهلاوي هتف (اه ياشرطه ياعسكريه..انتوا كلاب زي الداخليه..اكتب ع حيطه زنزانه..قتل الثوار عار وخيانه..يسقط يسقط حكم العسكر..اه ياشرطه ياعسكريه..انتوا كلاب زي الداخليه..سامع ام شهيد بتنادي..كلاب العسكر قتلوا ولادي يسقط يسقط حكم العسكر) وضد حبيب العادلي والعسكر والحكم الفاسد اللي الثوره مغيرتش منه حاجه بالعكس دا زاد الفساد وزاد الظلم اكتر واكتر ماعلينا جه المشير الطنطاوي استغل فرصه ماتش المصري لان مكانش فيه فرصه لفعل الجريمه القذره ف القاهره وكان ماتش المصري انسب وقت ليهم لتنفيذ كل اللي بيخططوا ليه استغل فرصه انهم برا القاهره لانهم لو كانو جوه القاهره مكنش عرف يعمل معاهم كدا واستغل فرصه الشغب والكره اللي بين جماهير الاهلي وبوريهود معرفش ياخد حقه بايده قام واخده بقفل الباب وحصلت المذبحه والقاتل معروف وواضح فكان العسكر المدبر والداخليه المخطط وشعب بوريهود المنفذ فجاء ع هذا مقتل 72 شاب كان كل هدفهم يشوفوا ناديهم اعظم نادي في الكون كان هدفهم الحريه وضحوا بحياتهم لاجل الحريه تعيش الناس دي ماتت علشان قالت للظلم لاء عشان قالت للفساد لاء كانوا فاكرين قتل الشباب دي هيزرع جوانا الخوف وهنسكت وهنبطل غنا لكن مكنوش يعرفوا اننا ثابتين ع مبدا لن نتوقف عن الغناء فيه ناس كتيره اوي مكملين العهد اللي بدأو عليه اللي اتجمعوا ف مكان واحد علشانه ومازالنا رجال ومازل زكريات حياتهم في كل بال.... #المجد_للشهداء
Following
