user81_AN
شعور مفاجئ..
وقرار كذلك...
ومنشور مثبت...
قبل نص ساعة رجعت من اجتماع أولياء الطلبة
من المدرسة ودا اسولف ليوسف...
كال صدك امي اخبار وضعج الواتبادي الجديد
والقديم...
شوفته الصفحات الجديدة والقديمه...
القديمة ما اكدر ادخل الها..
بس مجرد اتصفح بالمحادثات..
وطبعاً للأسف
محد سائل عني...
والجديدة هاي..
كذلك محد معبرني مع العلم..
نصهم عرفوني..
.... صفن بيهن...
كال امي اتركي هالشي...
... ليش؟..
امي انتي اكبر من انو تضيعين قيمتج بين ناس متقدرج
...
الناس هسه متدور لا قصص موعضه..
ولا منشورات تعليميه...
الناس قسمين هسة..
ناس ملتهية بعيشتها..
وناس تدور منشورات...
مو نمطج...
الناس غير تفكيرج...
امي انتي مريضه وعيونج تعبانه...
لا تعبين روحج للفاضي..
وهذا اقرب مثال الي معتبرتهم صديقاتج
ولا يسألون عنج...
... لا بذاك حسابج..
ولا بهذا...
صراحة...
والله العظيم شفت كلامه جدا واقعي...
...
اني انسانه
بسيطه جدا.. واحب الصديقات..
واحب الخير للجميع..
وأتمنى الهم حياة سعيدة..
خالية من الأمراض... والهم...
.. وبعد..
بعد...
هذا راح يكون اخر وجود الي بينكم..
... ومو بس هنا...
بقية المواقع هم...
جربت هواي ولمدة خمس سنوات..
واتوصلت لنتيجة...
...
الابتعاد عن جميع المواقع..
والمكوث بين جدران المنزل..
وجدران الأفكار.. والموهبه...
أفضل..
من مضيعة الوقت.. واتعاب الجسد
بين عالم...
يمكن من كل الف..
وحدة تسأل عني..
او تهتم...
...
اعرف لكل واحد منا حياته وظرفه..
بس الصداقة.. والتواصل..
هم حلو... ومطلوبة..
...
على كل حال...
.
بعد هالمنشور..
اقسمت على نفسي بعدم دخول هالبرنامج
إلى الأبد...
...
تحياتي ومودتي..
ودمتم سالمين.. أجمعين...
الي تقرأ...
مو شرط تعلق... لاني مراح اقرأ...
ولكن..
تركت اسمي ك.. ذكرى مني لعلكم بيوم تذكروني..
وداعاً جميعاً.. زينب المندلاوي...