muhammad

أشياء بسيطة جدا قادرة على صنع الفرح بداخلك، فقط كن قنوعا بما تمتلك راضيا بالقدر ومؤمنا بسعادتك.

اصعب لحظة من تخنگك الدمعة
          من تخسر وجه ما تگدر ترجعه
          من تشرد عيونك بالوداع تخاف 
          تشوف بروح الـ يحبونك الوجعة
          اصعب شيء تگلهم راجع ودنياك
          حرگت كل سفينة بساحل الرجعة
          اصعب شيء تحن للكسر بيك جناح
          وتاج الكبرياء بعاطفة تخلعه
          للبچاك سكتة وما يعرف شبيك
          للخلاك حاير بيمن تودعه
          اصعب شيء يخونك عذرك وتحتار
          واتحس بضميرك للحقد نزعة
          اصعب شيء يخونك موسمك والگاع
          يثگل جلدك وما تكدر تنزعه !

رد المتابعه 

معقوله من تبتعد بلفركه تتباهه
          ومعقوله ما تختنك من ذكرياتي تجي وتتلاكه وياها
          
          زين انته ما فكرت اخر رساله شوكت دزيتلي اياها
          
          ما فكرت بيه 
          ما صار عندك نقص من فجه تترك شخص وياك يوميه
          
          من توكع بمشكله 
          
          ما ترجع الذاكره وتحتاجني شويه...
          
          هسه اني خل افترض ايامي تنساهن 
          ما عندي يمك صور بلصدفه تلكاهن
          شو انا من اختنك بليل اطلع الصور وتعاتب وياهن
          
          
          ويوميه ابقى انتظر بس ماكو شي منك
          
          والي تحبهن قبل
          ما نشفن ولا غفن جا ما يشوفونك
          
          تعودنه نمشي سوه 
          وصدكني كمت انحرج من انسئل و عنك
          
          شحجي لمن انسئل هلمره شو وحدي
          مالك خلك للحجي لو مال من عندي 
          
          ارجع ولا تعتذر 
          انته شوكت ما تجي من الصفر نبدي
          
          يا اكبر همومي 
          دونك ولا يلكي شي ابدي بي يومي
          
          من جيت اطلع حرت 
          
          معقوله 
          وينه القبل يختارلي هدومي 
          
          وليهسه ما مقتنع 
          عبالي انا بحلم 
          ومتاني واحد يجي يكعدني من نومي

هيه الدنيه هيج تريد وباجر كلمن بدربه 
          جا هوه اليحبك من كلب ولسان تقبل ينشلع كلبه 
          وما دام احترك يوميه بصورك عندي النار مو صعبه