həmişəki kimi heç vaxt öldüyünə inanmadım. yenə gözlərim uzaqlara qədər getdi, mavi su durusu rəngində gözləri ağlıma gəldi. özünə məxsus ətri, gülüşü, sərxoş olanda necə güldüyünü bizimlə necə məzələndiyini xatırlayıram. səhərlər mənim üçün isti şora alar, kitkat sevdiyimi bilərdi. heç bir şeyimi əksik etməzdi amma mən onu qucaqlamağa belə çəkinirdim. amma hər dəqiqə onu necə qucaqlayacağımı, necə onun qəlbini qazanacağımı düşünürdüm. sonuncu dəfə ad günümə gələndə son görüşməmiz idi. mənə uzunca baxdı, gözləri o qədər hüzur verici qədər parlaq idi ki mən o gözlərə o qədər baxmağa ürəyim gəlmədi. o an, o dəqiqə, o saniyə o gecə sonuncu görüşümüz idi baba. səni o qədər çox sevirəm ki okyanus gözlüm, nur içində yat. həmişə qəlbimin ən isti yerində yaşayacaqsan. görüşmək diləyi ilə.