مرحبا حبايبي ومساء الخير
مااعرف منين أبدي بس أتمنى ان تعذروني حضطر اوقف قصة شهادة محرمة واني لغيت نشرها محتلگوها بالقصص اللي بحسابي ، محگوللكم ظروف بس عندي دراسة ومرحلة مصيرية ادعولي احقق اللي ببالي وإن شاء الله راجعة اكمل القصص كلها واجي بالأحلى
اتمنى تعذروني كل الحب الكم ❤️
گمت مفزوعة لمن باب غرفتي انفتح بقوة الضو خافت حيل لمحته واگف بلباسه العسكري ويلهث بسرعة
جمدت اطرافي كلها خوف منه بيده سلااااحه ودخل لغرفتي وسد الباب وراه شغل الضو واتضحت صورته، شفاهي ترجف وما گدرت انطق ولا بأي كلمة
وجهه ما يتفسر خالص من العصبية،گرب علية وحجة بصوت مليان تهديد وتوعد:
_تريدين تطلگييين عجل
_انـ.. اننييي...
شال همام وهو نايم وحجة: الج خمس دقايق تطلعين جدامي
_اااا.....
_بعدين نتحاجة...!!
يمة الخوف الخفته منه مو طبيعي خالص بس استغربت ما شفت لا حمزة ولا ابوية خفت لا يكون بيهم شي
هاذ الجنت خايفة منو اعرفه مستحيل يبيت الشغلة، لبست بسىرعة وطلعت بحسرتي من بيت اهلي
حمزة جان بباله باجر يفحم قيس ويحطله حد جدام الخلگ بس قيس تغدى بيه گبل
طلعت من الغرفة وشفت ابوية وحمزة وخالتي واگفين عالطارف وحواليهم مسـ... ــلحين كلهن مقنعين وموجهين السلاح عليهم
https://www.wattpad.com/story/325844551?utm_source=android&utm_medium=link&utm_content=story_info&wp_page=story_details_button&wp_uname=ReemasAlhmad