novel_reader_9x

يجي وَكت العتَب واتعاتب وياك
          وأخليهن كبالك وحدة وحدة 
          اجرح بالعتب ما اجرح بسيف
          لأن جرح العتَب محد يضمدة
          مو كتلكوترة الدنيا دولاب
          إذا أفترت عكس حَيلك تهدة

نزل عيونك الحد هسه منها اخجل 
          بعدني اشتاقلك وبعينك اتغزل
          بعدني أوكف بابك رغم كل صار 
          مثل مايوكف بضهر الصحاري التل 
          بعدني اتخايلك زعلان وارد ارضيك
           كبل جنت انكل الخيرين من تزعل
           جان الضحك يترس وجهي قبل النوم 
          هسه من البجي المخاد تتبلل

وحگ الچنت أحبهن بيك وأنباگن
          بعد وجهي وي وجهك حلم يتلاكن