mnijk___
ـــــــــ
mnijk___
عايزة حد يجاوبني: هو بتس بيغنوا
"ماما جابت بيبي بيبي حلو صغير"؟
أصل ليه كل شوية حد يسألني:
"إنتِ لسه بتتابعي بتس؟ إنتِ لسه بتحبيهم؟"
أو في ناس أعرفها في الحياة الواقعية يقولوا إنهم كبروا عليهم، بيحسسوني إن BTS المفروض نسمعهم في مرحلة عمرية معينة وخلاص !
الكلام ده يتقال لما يكون محتواهم بينزل على قناة كراميش أو طيور الجنة.
ما هم مغنيين زي باقي المغنيين.
قول إن ذوقك اتغير، أو إنك بطلت تحبهم، إنما ما تحاولش تصدر صورة إننا خلاص كبرنا عليهم.
واللي يقول:
"لما تكبري هتعقلي وتسيبيهم"، أحب أقول له:
أنا بسمعهم من 8 سنين، ودلوقتي أنا عندي 16 سنة.
مفيش فنان ليه سن معين نسمعه، الا لو كانوا مغنيين قنوات الأطفال.
هعيد تاني: قول إن ذوقك اتغير، قول إنك بطلت تحبهم، بس ما تقولش إنك كبرت عليهم.
عشان بتس مش بيغنوا ABCDFG.
