incomplete_wish

ഇനി അഥവാ... അപ്രതീക്ഷിതമായി നമ്മൾ കണ്ടുമുട്ടിയാൽ... ഇപ്പോഴും ഇഷ്ടമാണോ എന്ന ചോദ്യം നീ ഇനി ചോദിക്കരുത്... ഉണ്ടായിട്ടും ഇല്ലന്ന് പറയുന്ന ഞാനും... ഉണ്ടെന്ന് അറിഞ്ഞിട്ടും ഇല്ലെന്ന് കേൾക്കുന്ന നീയും... ഒരുപാട് ഒരുപാട് വേദനിക്കും...!!

പ്രിയപ്പെട്ട എന്നോട്,
          
          സുഖമല്ലേ..? എന്നു ചോദിക്കാൻ ആളില്ലാതാവുമ്പോഴൊക്കെ ഉള്ളിലേക്ക് നോക്കുക. മാറ്റം അനിവാര്യമാണെന്ന് സ്വയം തോന്നും വരെയും നീ നീ ആയി തന്നെ തുടരുക... വീഴ്‌ചകളുണ്ടാകും... തളരരുത്..! വിജയിക്കുവോളം ശ്രമിച്ചുകൊണ്ടിരിക്കുക... സങ്കടം വരുമ്പോഴൊക്കെയും കരയുക. ചിരിക്കാൻ കിട്ടുന്ന ഒരു അവസരവും, പാഴാക്കാതിരിക്കുക. ദുഃഖങ്ങളെ എല്ലാം ചിരിച്ച് തോൽപ്പിക്കുന്നൊരു സന്തോഷമായി മാറുക. ക്ഷമിക്കാൻ പഠിക്കുക. തെറ്റുകൾ പറ്റും. ക്ഷമ ചോദിക്കാൻ മടിക്കാതിരിക്കുക. ഒരു തെറ്റിൻ്റെ പാട് ഒരിക്കൽ മാത്രം സൂക്ഷിച്ച് വെക്കുക. സമാധാനത്തോടെ ഉറങ്ങുക. ഒത്തിരി സ്വപ്‌നം കാണുക. ഇത്തിരി മാത്രം പ്രതീക്ഷിക്കുക..! മരണത്തെ ഭയപ്പെടാതിരിക്കുക. മടുപ്പില്ലാത്ത മനുഷ്യരെ വായിക്കുക. മടുക്കുവോളം എഴുതുക. സ്നേഹിക്കുക... സ്നേഹിക്കപ്പെടുക. കൊഴിഞ്ഞു പോകുന്നവരെ തടഞ്ഞു വയ്ക്കാതെ സ്നേഹപൂർവ്വം യാത്രയാക്കുക. ചോർന്നു പോകാത്തവരെ ചേർത്തു നിർത്തുക. സന്തോഷം നൽകുന്ന കുഞ്ഞു കുഞ്ഞു ഇഷ്ടങ്ങളെ ഒരിക്കലും നാളത്തേക്ക് മാറ്റി വയ്ക്കാതിരിക്കുക. ഓർമ്മകൾ കൊണ്ട് സമ്പന്നൻ ആവുക...! ചുറ്റിലും ആരുമില്ലാതായാലും നീ ഒറ്റയാവുന്നില്ല ഒറ്റപ്പെടുമ്പോഴൊക്കെ ഞാൻ കൂടെയുണ്ട് എന്ന് മറക്കാതിരിക്കുക...! എന്തെന്നാൽ മറ്റെന്തിനേക്കാളും നീ എനിക്കേറെ പ്രിയപ്പെട്ടതാകുന്നു. 
          
          അന്നും ഇന്നും എന്നും...!