گمراية 🖤

مايَذهب فَليرحل بِسلام
          مالضَرورة مِن تَمسكنا بأرواح لَم تهوى البقاء
          بقربنا ، رَغبتنا بوجودهم مَعنا تَبقى أُمنيات مُعلقة 
          تَحملها أوزار الرَجاء ، تَذبل مِثل زهور عَطشة ، تَفر مِنا
          كأنها لَم تَكُن يوماً لَنا...
          دَع كُل مايَرحل يَمضي دون رَجعة ، فالعُمر أقصر مِن
          أن نَحمل أثقال التَعلق بأرواح لَم تَشأ أن تَكون لَنا .

سنبلغ حِلمُنا لو بعّد حين فنحنُ بِحار عزمٍ إن أردنا 
          "ذِكرى" ♥️

لعل الله يُخبئ لك بُستاناً بَدل الورود التي ذَبُلت✨❤️

حياكم •اللّـہ̣̥   ❤️ 
          الًيَوُمًِ عِنـ.̷̷̸̷̐ـديّ  كلام اگولة للبنات مثل ما گلت بالمنشور السابق اللي حچيت بي عن حلول للابتزاز الالكتروني،   لكن اولاً جبت الچن شخص يكافح الابتزاز مضبوط ومستحيل يستغلچ او يسبب اذى  هواي بحثت ولگيت إنسان يخاف الله فعلاً ف اللي دتتعرض للابتزاز تروح اله عالرابط موجودة صفحتة ، ادري حيگول البعض اكو مكافحة دولية وكذا هذولة ميردون بوقتها فد باردين واني شهدت بعيني برودهم لتجربة حدثت بالقرب مني لذلك جبتلچن هالشخص فقط تروحين ترسليلة محادثة الابتزاز مع حساب الشخص وبس وهو يحذف كلشي اني فقط حبيت اقدم الچن حل يكون امامچن ومابي اذية 
          
          https://photos.app.goo.gl/dFyAABT6CccjukFF8 
          
           ثانياً بنياتي خواتي ،صديقاتي انتِ تدرين م̷ـــِْن دزين صورچ لشخص يضحك عليچ بالحب ويگلچ انتِ حتصيرين زوجتي و أم اطفالي وماكو بينة فرق ومن هالكلام ( اريد اشوف جسمچ، تعاي نفتح كاميرا ) تدرين انتِ كلش زين حرام شخص يشوفچ بدون ملابس ؟ وصدگيني ( لن يتزوجكِ) لْـۆ تطلع نخلة براسچ لان هو ماحابچ حب حقيقي مجرد يريد ياخذ اليريدة وبعدها يطلع ظروف وحجج و( ذهب ولن يَعد)  ، لان راح يگول هاي مثل مارسلت الي ترسل الغيري  ، يزوجج بحالة وحدة ( بعد ماشوفتي جسمچ ) بمساعدة ام عباس ، يعني إلا تسمطينة بسحر سداسي الابعاد يلا يزوجچ وتعرفين النهاية ينگلب السحر عالساحر مجرد نتيجة وقتية،  واضافةً انتِ متخيلة العلاقة اللي ماترضي رب العالمين وبيها حرام رح تكون نهايتها حلوة؟ فكري بكلامي بينچ وبين نفسچ، اما جنس ادم مايحتاج احچي ويا شخص يضحك على بنت الناس ويستغلها ويعوفها مكسورة گلب ويتخيل هاهية ترا •اللّـہ̣̥ يُمهل ولا يَهمل شتزرع الًيَوُمًِ تحصد غداً وخاف لايطلع حصاد افعالك ب اختك، امك، زوجتك، بنتك، لذلك خلي •اللّـہ̣̥ بين عيونك 
          بناتنة الحلوات اني بنت حالي حالكم بشر واكيد عِنـ.̷̷̸̷̐ـديّ  اغلاط مو ملاك ولا احسن م̷ـــِْن احد اني فقط ما اريد وحدة تنظلم او ينكسر گلبها او تسوي فعل وبعدها تنذل وتتوسل انتِ غالية •اللّـہ̣̥ خلقچ جوهرة ولچ كلها وصت بيچ! لذلك اتمنى تعرفين شگد انتِ غالية وماترخصين نفسچ لأي سبب كان ولأي شخص كان ، 
          وربي يحفظچن ويبعد عنچن اولاد الحرام .

مساء العافية ❤️
          الًيَوُمًِ حابة اسولف بموضوع جد مهم وحتكون سوالفي عبارة عن نصائح لكل وحدة واگعة بهيچ مشكلة او شخص مقرب ‏​‏​منـِْهـ♡̨̐ـِْا واگع بهيچ مصيبة حته تعرفون شنو تصرفون بهيچ موقف وإن شاء •اللّـہ̣̥ محد مار بهيچ مشكلة حالياً يلا نبدي:
          (الابتزاز الالكتروني )
          مبدئياً انتِ ( اللي متعرضة لهالشي حالياً)  غلطتي لمن خنتي ثقة اهلچ ولمن رخصتي جسمچ او حته وجهچ شيء مقرف م̷ـــِْن تخلين شخص غريب يركز بملامحچ الحلوة، بس كلنة نغلط وان شاء •اللّـہ̣̥ رَبّــيٌ يغفر ذنوبنة ، الدين نصيحة ف مراح ارزل حالياً حته اصحي البنات علـّى نفسهن راح انصح وبس وبغير منشور اصبرن اني اعلمچن،  شنو تسوين أإأذأإأ وگعتي بهيچ مشكلة؟  ج/ متخافيين ابد لان المبتز مثلة مثل الشيطان يتغذى على خوفچ وهالشي يمتعة ف ديري بالچ تخافين وتتوسلين بي ديري بالچ ، ثانياً لٱ تنفذين اي شي يطلبة منچ ابدد لْـۆ مهما وصلتي مرحلة م̷ـــِْن الخوف وعالحافة رح ينشر ديري بالچ توافقين على طلباتة سواء ( فتحي كاميرا، رسليلي فلوس،  تعاي بمكان معين)  ديري بالچ اياچ تنفذين لان يا ام احسين چنتي بواحد صرتي بثنين رح تكبرين المشكلة اكبر وثقي لْـۆ شمهما حلف وگلچ بس نفذي هالطلب واوعدچ مانشر اكبر چذاب تصدگين بهيچ ذكر لَيــِْ♡̷̴̬̩̃̊ـِْش؟  لْـۆ بي حض ورجال گد حالة چان بعمرة مابتز واستغل بنات العالم والناس وادري الغلط م̷ـــِْن البنية  لان هي سمحتلة يبتزها ويلزم عليها لزمة من رسلت صورها الة بس كلنة نغلط اهم شي الشخص ميكرر غلطة ويتعلم الدرس،  ثالثاً تدخلين شخص وياچ ثقة كلش ثقة ويكون داعم الچ بهاي لان تحتاجين شخص لاتبقين وحدچ بهذا الموضوع وتظلين تخيطين وتخربطين وشرط يكون ثقة مو اي شخص، يتتبع اول تعليق 

حياكم الله ❤️
          تدرون موعيب الانسان يكون ممتعلم ومو عيب إنسان مداخل مدرسة ومدارس موعيب ابد تعرفون وين العيب؟  العيب لمن نكون دانتنفس بعدنة واحنة منتعلم او نتسنكف شخص يعلمنة او ينبهنة ه̷̷َـَْـُذآ العيب م̷ـــِْن نبقة بنفس وضعنة منحاول نطور نفسنة واحنة بعدنا احياء نُرزق هنا الًيَوُمًِ حبيت انبهكم على مسئلة الاملاء اعتبروني اختكم ، صديقتكم ( هنا الحچي للبنات)  ، انسانة غريبة عابرة حبت تفيدكم خلونة نجي نحسن املائنة كلنة يلا حبيت انبهكم على مسئلة الاملاء حته تصيير كتابتكم مضبوطة وملائكم مضبوط يلا نبدي  
          
          احنة عدنة حروف اللغة العربية وكلنه نعرفها وعدنا وياها 5 حروف لغة كردية لآزٍمٍ نستخدمها حته يكوون املائنا مضبوط خلي نلقي نضرة علـّى   هاي الحروف  ( ڤ ، گ ، پ ، ژ ، چ) مبدئياً احنة نحتاج بس هذن الاحرف ( چ ،گ ،ڤ ) نجي حرف حرف اول شي ه̷̷َـَْـُذآ الحرف ( چ) ه̷̷َـَْـُذآ نستعملة م̷ـــِْن نريد نگول شلونچ مو (شلونج) ومن نگول چاي ( موجاي وين جاي للبصرة ؟) ومن نگول (باچر ،اگلچ )وهكذا اما الحرف الثاني ال(گ) استعمله ببعض الكلمات بدال الكاف لان كل حرف واله عملة ميصير نوضف نفس الحرف بكل كلمة مثلاً ال (گ) وال(كـ) شنو الفرق بينهن ،هسه م̷ـــِْن نگول (كتاب)  عكس ما نلفظ ( گُمر)  صّـْْ(☑)ـْْحّ  لْـۆ لٱ؟  بعض كَلَّمَاتِ ه̷̷َـَْـُذآ الحرف (گول) (گبر) (اگلچ) (گطن) وهكذا شوفوا لفظ الكلمات ورح تعرفون تفرقون بينهن واخر حرف نحتاجة م̷ـــِْن حروف اللغة الكردية ( ڤ ) لمن نگول ( ڤيديو)  مو ( فيديو)  احنه لفظنة صّـْْ(☑)ـْْحّ  بس كتابة متكتبون نفس اللفظ ( ڤيڤيان اسم بنية)  مو ( فيفيان)  ( ڤكتوريا)  مو ( فكتوريا)  وبس  
          
          حبيت افيد الكل واني مو احسن م̷ـــِْن احد كلنة سواسية ماكو واحد احسن م̷ـــِْن واحد إلا بالتقوى لان كلنة النة نفس الاعضاء ونفس الكفائة ودماغ المرأة والرجل نفس الشي ونفس الكفائة الفرق الوحيد انو الرجال حجم دماغهم ضعف حجم دماغ المرأة بس نفس الكفائة يعني الفرق ( دماغ الرجل كيلوات زيادة مو اكثر)  ف مادام بعدنا عايشين ومثل مگالت صديقتي مريم طول مااني اتنفس اتعلم وبس ربي يوفق الجميع وربي يحسن خاتمتنة . 

على الانستا چان دكتور مسوي فقرة اسئلة ومن ضمن الاسئلة چان ( انطينة نصيحة م̷ـــِْن خلال تجربتك بالحياة) وهيچ چانت نصيحتي لربما تنفع احد او تكون بمثابة كف يصحي أنسان على نفسة 
          
           نصيحتي هي ان تحب نفسك وتتصالح مع ذاتك وبعمرك متحب بشر اكثر م̷ـــِْن روحك وبعمرك متفضل بشر علـّى  روحك مهما كان هالشخص عدا ( الام،الاب)  ، وايضاً تخلي مساحة بينك وبين اي شخص بالدنيا وتتقبل فكرة يجي يوم ويعوفك او تعوفة او يتغير عليك ومتعلي سقف أمالك بأي بشر ( حتى من يجي البوري ميأذي)  ، وبعمرك لاتسأل نفسك لَيـش  هنت عالمقابيل؟ لَيـش  عافني شبيه؟  انت ( بصورة عامة ماقصدك دكتور) جوهرة وبيد اعمى لْـۆ مهما صار ولو حتى نطقت وگلت انا جوهرة  مراح يثمنك لانه اعمى! ، وان تقوي علاقتك ب رب العالمين لان محد يفيدك غير •اللّـہ̣̥ ونفسك،  وأن تغادر وقت ماتحس انو مالك مكان بعد يم هذا الشخص ولمن تحس انَــَتَ مومهم عنده وجودك وعدمه واحد ميهتم الزعلك، ميهتم لحزنك، لمرضك،  لأشتكائك،  ويزيد قهرك ! وهو يم غيرك انسان مُحب ومثالي وابد متهون دموعة يمة وزعلة ولمن يريد يروح يبقة متمسك بيه لأخر لحظة وانت  لو رحت مومهم  عنده هالشي وميتعب نفسة ويتمسك بيك ،هنا لاتبقى ابد لان الضريبة كرامتك وگلبك اللي هو اعز ماتملك!  وبس هذي نصائحي.