عباس التميمي

موكِل الحَچي إل بِلبال يِنگال
أکو بَعض الحَچي بَس لله خَلَّيتَه
دِفَنتَه إبنص خرابَه أبغير تَغسيل 
محّد شاف چِلمَه .. إبليل وَدّيتَه
ماينگال کِلشي وتِسمَع الناس
إللّي إيبيع كِلشي إيفَلِّش إبيتَه 
طير إل بِلقَفَص ماغنّه فَرحان 
يبچي إمنالحَبِس وإيريد حِرّيتَه
موكِل التِزِرعَه إيصير ريحان
ولا كِل التِگطعَه إتفيد بَزريتَه 
ولاكِلشي ال تِفِتحَه إيفوحلَك هيل
ولا كِلشي ال تِلِفَّه إيصير چِکلیتَه
وأظُل أسمَع حَچي ولِلناس مابيع
رغُم بَعض السِمعتَه إ... ط سَمّيتَه
سَمَعْت إشگَد حچي بَس مو حچي السان 
إنحِچَه ابحَلگ إلمَواقِف وإنقِرَت نيتَه 
على الله وعالصَبُر والباقي عالروح
ويظل عِدنَه الگلُب وإنشوف تالیتَه 
إذا گایل أحبكُم .. زلَّة السان
والسان الحِچاها .. إبنار چَوّیتَه 
إل يفهَم ماإيخلّي الباب مّفتوح  
ولا ريح الشِماتَه إتبوگ  عافيتَه
لذلِك راح أخلّي الباب مَسدود
مو ياهو اليجي وصَدَّگتَه وإنطیتَه

                  خـᬼ💥⍣⃟ـيـال