✓ َِ⤿جنت ما أشتكيلك خاف أغثك يوم
حنين وما أهوِّن دمعتك تسچب
تجازيني بهجر وحجاية المو خوش
تعال على الجروح حساب خل نحسب
ألاگيك بربيع وكل بلابل شوگ
وتلاگيني بخريفك والهوى المغضب
وأجيك بيا هلا وبعتاب من تغيب
واني سنين أغيب وچلمة ما تعتب
گلبك موش اليه مبين اليهواك
من تعوفه ساعة من أهله يستغرب
عليمن ذال روحي وما أنام الليل
غشيم متاني عاجر من ثديها أحلب
روح مودع الله وكون لا رديت
وعساك بنار گلبي وخنگة المغرب