mochim

غيابك مقلق

<'=

كيييييفففكككككككك؟؟

بدي طفولتيT_T
          اكتشفت انو حرفياً احلى ايام عشتها هيي من عمر ٩ لل ١٣
          وبعدين انتقلنا عالمدينة وانا معد اعرف مين انا او لماذا نحن هنااا. 

بدي العب مع الحيوانات واطلع عالشجر.. اشتقت للمزرعة، اكتشفت انو ما كنت حس بالوحدة مع انو كنت من المدرسة للبيت للمعهد بسبب هالشي، بتذكر انو وقت كنت حس بالوحدة كنت اطلع العب مع القط وخلص بح وحدة، او حتى اي شعور وقت احزن اطلع اقعد عالمرجوحة او عالشجرة الي شايلة المرجوحة بذات نفسها الي كنت سميها تيتي لانو بابا قلي انها اكبر من بشي خمسين سنة، وعنجد هاي الشجرة كانت مميزة ما كنت حس بهالمشاعر من الاطمئنان والسعادة مع اي شجرة غيرها، اي وبقعد مع هالشجرة والقط وبمسح عالقط بهدوء وكانت الطاقة السلبية تختفي بطريقة سحرية بس بهالشي، ووقت بكون فرحانة وعندي طاقة زائدة كنت بس اطلع اركض واتسابق مع بربور "قطي" واطلع عأعلى نقطة ممكن وصللها بالشجرة واقعد غيظ الكلب المسكين (الله يرحمو).
          ياخي عشو بتحبو حياة المدينة ما بعرف، عايشين بأقفاص بشرية اذا بدو الواحد يلمس ورقة شجر بدو يلبس ويجهز حالو للنزلة عالشارع مشان بالآخر العالم يقولوا هاد مجنون شو عم يعمل، ما في غير البيوت الارضية وضعها شوي احسن بس عنجد فهموني شو الحلو انك تعيش بطابق مرتفع عن الارض! حتى ماما ما بتخليني ربي قط لأنو ساكنين بشقة، غريبين يا هالبشر. 

جدياً، شو بدي استفيد من الصيغة القانونية لعمو ثلاثي الحدود وشو بدي استفيد من القطع الزائد والمكافئ وقس على ذلك كتير شغلات بالرياضيات.. يعني ما في فرع ممكن ادخله بالجامعة كطالبة علمي بيلزمني فيه كل هاد إلا اذا دخلت رياضيات مشان اطلع بالآخر آنسة وارجع عيد هاللعي كلو للجيل الجديد، مناهجنا بدها إعادة منهجة. 

يا جماعة الخير روح عالمدرسة اليوم ولا لا؟ 

ني_تشان انا يونا تتذكريني (':

توصية لفلم بيناسب هالصباح الجميل البارد؟ 

أحد أكبر أحلامي هو أن أعيش في جزيرة مهجورة.
          
          ......
          
          
          ماذا؟ هل أحلامي غريبة؟
          أليس من الرائع أن أبني بيت شجرة وأعيش فيه؟ 
          أو أن ألجأ لكهف يحوي الظلام فقط عندما أرغب بأن أغوص في التفكير؟ 
          أو أن أواجه الحيوانات المفترسة وأقوم بصيد السمك من النهر أو ربما أصيد الطيور عندما أرغب بالمغامرة؟ (لا أدري إن كان سيطاوعني قلبي على صيد الطير)
          أو أن ألعب مع القرود عندما أشعر بالملل؟ 
          إن هذا لأفضل بمليون مرة من العيش مع البشر!