MANOURAFEL
هي كورونا عاملة فينا حالة جو خوف و اكتئاب ايا نحو شويا الغمة و خلي نحكيلكم على موقف صارلي و انتوما زادا دونك كنت مع عايلتي في مدينة العاب مائية و كاينة بيسين كبارة ياسر مع الامواج و الغنا المهم خلق ربي الكل ثماك و بما انو بابا كان حاكم اختي الصغيرة لانها ما تعرفش تعوم انا كنت نغطس و نحاول نطيحو زكارة فيه هو و الا ماما ياخي و انا غاطسة للمرة 100 ما شفتش مليح ياخي رحت نجبد في رجلين بابا و نحاول نغطسو ، انا هكاك و نحس في ايدين تجبد فيا شغل مخلوع ، و انا بابا موالف كي نعملو هكا يعطيني محش تحت الماء يردني جثة تحت الماء ، المهم قلت و راسو لا نطيحو اليوم ، و سي غرقتو تحت الماء بالسيف و طي طلعت باش نشوفو و نزكر فيه و هو غارق ، لقيت بابا من بعيد يشاورلي (يبايبيلي) من بعيد و هو شايخ ضحك ، درت نلقا عبد اوخر مسكين طايح في البيسين ، انا علابالكم اول مرة نجري في البيسين و تخيلوها و من ثماك رحت لعبت الالعاب الكل كأنو لا احساس لا ضمير و البيسين ما دخلتهاش و قعدت نتكحل علاها