Salam, Veneram! Bu gözəl dünyanı daha da gözəlləşdirən varlığına minnətdarlığımı bildirərək sözə başlamaq istəyirəm. Həyat səni qarşıma çıxardığına görə nə qədər minnətdar olsam azdır, həqiqətən. Bu müddət ərzində mənə olan hər tərəfli dəstəyin sözlərlə ifadə olunmayacaq qədər böyükdü. İstər bir rəfiqə kimi, istər böyük bacım kimi, istərsə də bir həkim/yazıçı/oxucu kimi verdiyin məsləhətlərin, bildirdiyin fikirlərin həyatımda böyük rol oynamağa da davam edir. Varlığına ehtiyac duyduğum anlarda sən olmasan indi harada, necə olardım, zehnimin içindəki hansı xaosda boğulurdum, kim bilir. Sadəcə mənə olan qatqılarınla deyil, öz həyatındakı addımlarınla da mən daxil bir çox insana ilham olursan, əminəm. Ağlına qoyduğun hədəfə doğru o qədər cəsarətlə və əmin addımlarla irəliləyirsən ki, içində şübhəyə düşsən belə bunu kimsəyə hiss etdirmirsən. Həqiqi mənada duruşundan, əsalətindən heç nə əskiltmirsən. Qələmini bir mil kimi işlədib ürəyindən sözlər toxuyursan, sətirlərə, səhifələrə çevirirsən. Oxuduqca sənin zehnində dolanır, könlündən keçən hissləri duyuram sanki.
Həyatımda həqiqətən əvəzolunmazdır dediyim insanlardan birinə çevrildin, heç şübhəsiz. <3
Səndən öyrəndiyim çox şey var, bunlardan biri də məqsədinə doğru daim irəliləməkdir, nə qədər yavaşlasan, və ya büdrəsən belə. Sən də bütün maneələrə rəğmən yola davam eləyirsən, bilirəm. Diləyirəm, o yolu ən yaxşı və yararlı şəkildə nəticələndirib hədəfinə çatasan.
Çox şadam ki, hər daim yanımda sən vardın. Danışmasaq, görüşməsək belə, bəzən elə anlar olurdu ki, "Zəhra var", "Zəhra bunu eşitsə belə deyərdi", "Zəhra ayağa qalxmağım üçün bunu, bunu deyərdi" deyə səslənirdi zehnim mənə. "Varlığın"dan bəhs edərkən səthi olaraq yox, səni tanıdığım andan etibarən həyatıma daxil olan bütün varlığından bəhs edirəm. "Sən varsan." Beləcə.
Və, yaxşı ki, varsan. Saranghae ❤️
- Ən dərin sevgilərimlə, Esther'in ✨