wissam_09_
سلام جيتكم بموضوع شوية حساس
رانا رايحين نديرو حملة تحت شعار
لا لشتم البنات بكلمة صوصيالة
الحملة هادي باش نحبسو هاد كلمة (صوصيالة) مع البنات لي ماشي مربيين ولا يقولوها للطفلة لي تداصر برك لانهم يقولوها بمعنى جارح عكس المعنى الحقيقي ليها
راهي تجرح مشاعر بزاف بنات لي يسكنو فالصوصيال و بنات فاميليا كاين بزاف بنات تجرحهم الكلمة و يبكيو و قادرة تدخلهم حتى فإكتئاب يقعدو يقولو بينهم بين رواحهم حنا واش ذنبنا صح وش ذنبهم كي عادو بنات ساكنين فالصوصيال ماشي مربيين على حتا حنا نجمعو و نجرحو بزاف بنات الفاميليا
تعيشو جيتكم من باب الإنسانية
تخيلي معايا نتي ايه نتي لي كي تشوفي وحدة خامجة تقوليلها روحي يا الصوصيالة تخيلي تكبري و تعيشي فالصوصيال ويقولو الناس لبنتك صوصيالة مالڨري مادايرة والو كيما ماتقبليهاش لروحك و لبنتك ماتقبليهاش لبنات الناس
ونتا لي تقولها لبنات ناس تقبلها لختك ولا لبنتك حاجة أكيدة لالا مالا ماتجرحش بنات الناس بكلمة لي نقدرو نتجنبوها بسهولة
نطلب منكم انو تبارطاجيوها فلي كونت تاعك هنا فواتباد انستڨرام فيسبوك و فكل بلاصة ختى وعندك 2 كونت بارطاجيها فيهم بين 2 حاجة مارايحاش تدي من وقتك 5 دقايق
ان شاء الله يوصل الميساج و تحبس هاد الكلمة نهائيا
وهدا مكان
و شكرا ❤️❤️❤️❤️