فاطمه مجدي

من سنه كنت متخيله نفسي ان قويه كفايه عشان اتخطي اي اضطراب يحصلي ، كنت شايفه نفسي مسنوده علي قلب صلب وعقل حكيم ،كنت متصوره اني لو نجحت مره مع نفسي هنجح مع الناس اللي حوليا اضعاف نجاحي . كنت مستنيه جبر ربنا ليا عشان احقق جزء من حلمي. كنت واثقه في وقت صغير اني خلاص هعدي وقاعده في اوضتي بتفرج علي نجاحي اللي بقالي سنتين تعبانه فيه. كنت في حلم جميل بدعي ربنا يتحقق.
وفجاه! كل حاجه تضيع وتختفي وانا واقفه صلبه في مكاني مش عارفه الحق حلمي اللي هيضيع ولا الحق تعب سنين ولا الحق نفسي من الصدمه ..فجاه كل حاجه راحت؟
وقفت حلم ووقفت تعب وسهر ووقفت كل حاجه كنت بعملها وابتديت انهار مع نفسي وحده وحده لحد منصهرت والله .
ومن قريب لقيت جبر من ربنا جميل جدا وامل جديد ورساله بتقولي كملي وابدئي من جديد ! انتي قويه كفايه عشان تقفي علي رجلك من تاني .. 

ودلوقتي بقول لنفسي :
"وكم من حلم جميل اخذ وقت كبير لكي يتحقق"! 
انا دلوقتي راضيه ومؤمنه اني اقدر وحلمي لسا مجاش وقتو عشان يتحقق وهشتغل علي نفسي اكتر عشان اطلع حلمي للنور بشكل يرضيني ويرضي اللي حوليا💜
ومش شرط الاقي تشجيع من ناس كتير انا بتشجع بنفسي وبحلمي💜
مش محتاجه غير دعواتكم وبس..💜
Fatma magdy