Bigme47

هداوي هدهد ام الهود!! هاي رجعتي من الدكتور.. نص وجهي ما يتحرك احس بيه شلل نصفي، شايفة من ابتسم او اضحك؟ تصير نص ضحكة عبالك مال ذوله الساديين مدري شسمهم من يضحكون..والدكتور جاب جهاز، حفر عقلي مو سني احس، وهو اني مطفية هسة طفيت بالزايد.. ونوب گلي اذا اتوجع ارفع أيدي أأشرله، من رفعت أيدي لان متت وجع چان يگلي "عادي عادي" ويكمل.. برو!! والدكتورة بصفه فاكة حلگي بالعرض والطول انمسحت الحمرة مالتي وانمسحت أخلاقي هم الله وكيلچ! 
          	وامي مناك اخذتني للمول بس نتفرج لان فلسنا يم الدكتور (هو احنا دائما مفلسين الصراحة). شفت لعابة چبيرة "كرومي" الي انتي حاطتها افتار بذاك حسابج وتذكرتج، وامي گضتها تضحك عليه كل الوقت علمود وجهي نصه ميتحرك وتالي انقهرت عليه گالت امشي ناكل هناك، واني حذرتها وسويت نفسي راح اتخربط هم حتى مندخل بس هي جابتها لنفسها واصرت.
          	 عاد دخلنا لمطعم مبين مال فايخين، اني غمزت لامي نطلع وهي اصرت لحد ما دفعنا 10 الآف علمود قطعة كيكة بگد اصبعي يادوب تكفي شخص واحد، تشيز كيك يعني جبن بس بشكل كيك (لتجربيها حتى لو تجيج ببلاش نصيحة). وبُطل المي الواحد بألف :) 
          	وهناك امي شافت صويحباتها وسحبت عليه، وتالي قبل منطلع لزگت لامي اريد جبس، انطتني الف واني اخذت جبس ليز ابو الخمسمية وگفت يم البنية ترجعلي الخمسمية الباقية من الألف؟ جان تگول "هو بألف" وحرفياااا مكتوب على الجبس رقم "500" بس اني ما فكيت حلگي عساس اتكيت وكذا، وامي هناك تفشر عليه وعلى جدي هم واني جاية الها.
          	 عاد السينما جانت حلوة بقت بنفسي والملابس هم تجنن، بس هي هاي حياة الفغارى أمثالي اذا صحت النا روحة بس نتفرج.. شفت عطور تموت وريحتها ضيم!! بس عود اقنع روحي حياة التواضع وكذا واني مليونيرة بس اريد عود شسمة اجرب حياة الفقيرين عرفتي شلون؟ وهاي اول طلعة الي بعد سنة ونص ضبط بالبيت لا زيارة لا طلعة ولا نعال، طلعتني امي علمود سني مو علمود غير شيء، حسبتها اقل من نص ساعة بالمول نتمشى مو اكثر.. وما اريد اكسر بخاطر امي جنت اگول على الملابس مو حلوة بس اكذب على روحي غير تطك طك! وهسة حالياً امي تگول عليه عبالك ابو بريص لان ما اگدر اطلع لساني بسبب الخدر الي بوجهي :|
          	سلامات.. وهم بعدين احجيلج قصة ابو التكسي الي سولفها لامي، متزوج هواية نسوان وسولف قصة حياته واني جنت متقرفة بس يلة هم سلامات هي الحياة خرة بخرة..