Rhiku

Magsimula tayo sa pahinang pira-piraso, 
Pakinggan ang bulong na puno ng sekreto,
Ewan, nakakahumaling ang taglay mong anyo,
Nakakatunaw ang bawat ngiting mapanukso,
Ako'y umaasa dinggin ang aking pagsusumamo,

Ngunit ang realidad ay walang pangako,
Hadlang siya sa tadhana na ako ang nag-imbento,
Nakakalungkot isipin na lahat ay malayo,
Kasama kang umiyak, tumawa at malungkot animo'y iisa tayo,

Subalit bukas magigising ako sa mga mata kong malabo, 
Walang patutunguan ang daan sa nilikha kong mundo,
Nakakapanlumo ang masasaktan sa pag-ibig na patago,
Sa bagay hindi naman ako umiral sa iyong isip at puso,

Ayaw na sana kitang titigan at pangarapin pa ginoo, 
Nang sa ganun puso ko'y tuluyan ng huminto,
Lalakad ako palayo sa iyong humahabol na anino,
Isip ko'y pananatiliin ka na lamang sa kapana-panabik na anyo,

Walang bahid ng takot na mahalin ka hanggang dulo,
Upang sa huli maisip kong kahibangan ito,
Isa kang pag-ibig na hindi magiging totoo,
Tanging pantasyang nagmula sa libro,

Ako at ang imahinasyon ko ang sayo'y bumuo,
Tama, ako din ang magbibigay kataposan sa maikling kwento,
Para ka sa kaniya at siya'y para sa iyo,
Paalam, masaya akong nagpantasya ng isang tulad mo,


My Stories 

Genres: Fantasy/Young adult/Mystery Thrilled/Action/comedy
🗝️The Mischievous
🗝️Epilogue
🗝️Oticeys
 #SERIES (GENRES COMBINATION OF  YOUNG ADULT & FANTASY)
🗝️Time Machine
🗝️RESTART
🗝️Love is a beautiful pain