Adam Domy

السلام عليكم ورحمه الله
          	طبعا اول حاجه اسفة جدااااااااااااااااااااااااااا لكل اصحابي ربنا يحفظكم ليا ،عارفة اني قصرت معاكم واني مكنتش برد بس والله غصب عني
          	««««« طبعا الفترة الي فاتت مريت بصعب ظرف مر عليا في حياتي وهو إصابة جوزي بكورونا ، جوزي اساسا عند وسواس نضافه ومع ظروف الفيروس ذاد جدا الوسواس ده ورغم كده الحمدلله قضاء ربنا أنه اتصاب هو واتنين زميله اتعدوا من مديرهم ،طبعا تفاصيل كتير. متعبه من انتظار المسحه وأنه يروح العزل ونتواصل فديو كول واشوفه تعبانه ازاي ومش قادره اكون جنبه وبعدين الحاله تسوء ويروح عناية مركزة ومعرفش أوصله ولا اشوفه وحماتي تعبت ومن خوفها على ابنها جالها جلطه وبقينا مش عارفين نعمل ايه ولا نتصرف ازاي وكل يوم نروح المستشفى الميداني للعزل في حر وصيف وساعات عشان بس نعرف حالته ايه اوصل لفين طبعا زميله طلعوا قبله وده ذود التوتر والقلق غير طبعا المأساي الي الواحد شافها هناك والقصص الي سمعنها فبجد يا جماعه الحوار مش هزار ربنا يحفظكم جميعا ،جوزي بعد ٣٨ يوم عزل الحمدلله خف من كورونا وعملنا مسحه تانيه وطلعت نجاتيف برضو الحمدلله بس الفيروس عمل تشوه في الرئة والرائة مش هتشتغل بكفاءة كامله بعد كده بس طبعا اي حاجه الحمدلله عليها والحمدلله بس أنه رجعلي  وربنا ما يبعدوا عني تاني ،
          	طبعا نفسيتي كانت في الأرض ومش قادره حتي اطلع كلمه مني وكنت ميتة ليها رجلين بتمشي ،مليش غير ربنا وافتكرت طبعا كلام جوزي لما كنت افضل ماسكه الفون ارغي مع صاحبتي بالساعتين ولا اضيع وقت على النت ويهزر هو معايا ويقولي وشبابه فيما افناه وانا اخدها بهزار ولما كان يسالني بتعملي ايه اقوله بريح من شغل البيت وافصل من الولاد كان يقولي احنا في دار شقى مش راحه اتعبي عشان ترتاحي بطلي تضيعي وقتك وانا طبعا اكبر دماغي 
          	انا نعم ربنا عليا كتير جدااااااااااااااااااااااااااا الحمدلله بس نعمه أنه استجاب ليا ورجعلي جوزي لو مهما شكرت وحمدت ربنا مش هقدر برضو اللهم لك الحمد حتى ترضى ولك الحمد اذا رضيت ولك الحمد بعد الرضا
          	اصحابي وحبايبي انا يمكن مش بقيت بدخل كتير بس والله انتوا على بالي على طول وفي قلبي ومش بنساكم في دعائي وبطلب منكم تدعولي يفرج كربي ويتم شفاء جوزي ،بحبكم في الله يا احلى واجدع بنات في الدنيا