من زغرك عشكتك ما دريت تروح
ولك عشك الطفوله شلون ضيعته
مخيطلك عشك ما مر على العشاك
ميعجبك خياطي بسرعه شككته
عفت بيه عشيره شيوخه يلطمون
وازغر طفل بيه تهد جبل ونته
انه بشارع جروحي اسمه دار ايتام
بس صفنات اوزع دمعي خلصته
انه بيه جرح غركت خناجر بي
اجاوزت الملح وجروح شبعته
خطيه الماخذك كضه العمر بردان
حضنك جان دافي واني وشلته
جا ما يدري بيه مكضي عمري وياك
عاكول وندى بيا عين صورته
ما احلم بعد مو لان ما مشتاك
ابشرك من وراك النوم فاركته
هو شظال بيه وجملتني وداع
الفرح لمن مشيت لهسه ما شفته
يم كل خطوه انصب فاتحه من اشتاك
الحزن بيدي امس للروح وصلته
Following
