مرحبا ❤️
چان توقعي أقل توقع معدلي ٩٧ بس للأسف تحققت مخاوفي بالكيميا واللي هي انو أحل وعبالي حلي كله صح ومية وللأسف اجت ٨٨ ولله الحمد
اجو خوالي يمنا بيوم النتيجة وانا مسوية شعري ويفي وكاشخة للنتيجة ساعات من القلق والتوتر
صليت العصر ختمت سورة مريم وقريت سورة الأنبياء هنا شوي صار عندي يقين قوي الراح يجي اليوم خير من الله ومقدر ومكتوب
قبل النتيجة بربع ساعة هم صليت وأخير شي صديقتي ببغداد مطلعتها ودازتها الي
شفت المعدل ٩٤،٨٦ ضليت أبچي حسرة عللكيميا بس أهلي عبالهم فرح وضجت الغرفة بدموع الفرح والصياح وبهاي اللحظة وعدت روحي أخير لحظة تضوجين بيها عالنتيجة وهسه تگومين تفرحين وفعلًا چان يوم فرحة لا يُوصَف ، القريب والبعيد فرحان صاحباتي وكل اليعرفوني ما عدهم غير جملة تستاهلين كل خير والأكثر ، والعشيرة فردًا فردًا من الطرفين ما عدهم غير رفعتي راسنا ، والحمد لله الف مرة بدل المرة ❤️