فصلوها_للعشك
البارت 6
فيصل راد يلبس لبس عربي كال اكو ناس راح تجي من الكرايب كبار وعمامي واني شيخ مترهم حضرتله الملابس
ونزلت ابدل
ورد..طلعت من الغرفه چان جاي عليه يصيحني شافني جان يخفف السرعه مال مشيته عظ شفايفه
كلي وتالي وتالي ناويه اجلطيني شلون اطلع بيج هيج اووف شطالعه الخاطر الله
ورد..حلوه؟؟
فيصل اذا انتي مو حلوه لعد اني الاچلح
فيصل ...رحت اصيح ورد جان تطلع من غرفتها عبالك كمر طلع بليله ضلمه....
حسيت رجليه رخت بقيت اباوع عليه لبسه مستور بس كولش حلو شلون يربي وين اضمها من العيونه حلوه وصغيره اخاف عليها حتى من الهوه
ضليت اباوع بلكي الكي عيب حتى اخليها تغيرهن
اجيت ابطل ونبقه اني وياها لو ما العيبه من عمامي
طلعنه دخلنه للقاعه احس العيونه كله علينه وبالاخص على ورد شاورته ارتاحيتي هسه كله تتفرج عليج
برطمت
كتله لاسوين هيج ادوخ ما اتحمل
ورد...حباب خلي اتونس
كتلها هاي هيه
رحنه والتهينه هيه كعدت ويه اهلي
اني عفتها ورحت اسلم على الناس الي اعرفهم واكثرها كرايب لان منعزم غربه وهم العرسان ثنين ولد عمي فمحد غريب. ركصو الشباب والبنات
اباوع على ورد شلون ثكيله وعاقله ولا تحركت تسولف وي امي والبنات ارتاحيت حيل بعدين
كالو العرسان يركصون على الستيج سلووووو
كاموا يركصون انداريت شفت جميله كاعده يم ورده وامي دسولف وي مرت عمي
ورد مختنكه وجميله تلغي عرفت هاي مضوجتها لازم ارد اعتبارها واخلي حد لا اي واحد يدنه لمرتي
رحت واني بحياتي ممسويها ولا توقعت اسويها خليت العبايه على الكرسي و كتله حبيبي تقبلين تركصين ويايه ميصير نعوف العرسان وحدهم
جميله اسودنت
ورد كامت ويايه دخلنه للستيج جان كله كامت اصفك واصوفر اني استغفر الله شورطني شجابني شسويت هي هاي سوايه بالله ...
الديجي ابن عمتي لان منريد غريب جان يحجي بسماعه صفكه وتحيه قويه للشيخ فيصل ووشيخه ورد كله كامت اصفك
اماسي_الليل
سكتو بقينه نركص ورد مبتسمه
كتلها شبيج
كالت فرحانه حسيت نفسي اني العروس احساس حلو
انقهرت عليها لان انحرمت من فرحتها حالها حال اي بنيه تتمنه تلبس البدله وتحلم بزفه وعرس
بس هذا الي الله كتبه
كتلها طول عمرج اخليج ملكه وكل مناسبه انتي بيه عروسه احبج حيل وردتي احلى شي صار بحياتي انتي مودي اضمج بين ضلوعي حتى محد يشوفج بس اني
اتحمليني لان اغار بس مو بيدي
والله هسه عبالك دا ادوس على عيوني بس مردت احد يضوجج وهيج راح يحسبولج الف حساب من يشوفوني مهتم بيج هيج
بس صدكي اهتمامي مو تصنع من كلبي لان اني احبج وما اكدر بعد لازم نعقد
ورد ... فيصل ما اريد هذااليوم يخلص واريد يتوقف الوكت هنا ونبقه هيج
فيصل يااابه شتحجين حتى انجلط واموت وربج 😰ما اتحمل نبقه هيج وكله تباوع عليج يابويه الحكلي
ورد..ضحكت
كتله لا مسمعتني ردت اكولك اتمنى يختفون كل اليمنه ومحد اكو بس اني وياك على هذا وضعنه
كتله اااااي هاي خوش سالفه شتطيني اذا بقينه وحدنه هيه خجلت كولش وجان تخلص الاغنيه والرقصه
فيصل الحمد الله والشكر ربي من خلصت خلص عمري وهي بعدها مخليت سالفه مسولفتها اريد بس تنتهي الاغنيه ونكعد...
رجعنه نكعد جميله عيونها تجدح ......
فيصل.... لزمني عمي كلي فيصل بويه اشوفك متوالم وي مريتك تريد مني مره لو امشيهن جايتهن قسمه
كتله عمي توكل بالله واطيهن ومرتي راح اعقد عليه بالمحكمه ...
العم بويه موهيه فصليه ...
كتله عمي فدوه اروحلك هذا اعتبره تخلف وسايرتكم احترام والحمد الله ربي جبر بخاطري وخاطرها وتوالمنه بعد مال فصليه شلك بيه واني ادره بروحي.....
بويه اذا هيج الله يسعدك
خلصت الحفله ورحنه نزف العرسان بالفندق
فيصل ...شاورت ورد من نعقد اخذج لفندق احلى من هذا ورد..منو كلك اريد اروح فندق ما احب ..
فيصل ...فضحتينه هيج مستعجله
ورد ...فتحت عيوني😳لا مو قصد شي والله
فيصل ضحك ..
😈جميله تريد تحرك الاخضر وي اليابس من الحقد مو مسألت حب بس من وجهة نضرها فيصل عريس الف وحده تتمناه مال وجمال ونسب و ورد غريبه وفصليه تكول اني اوله من الفصليه والغريبه 😈با ابن عمي لازم ازحلكها من يمه حتى اكدر اخذك الي ....😈
رجعو للبيت وجانو هلكانين كلها للنوم راحت ثاني يوم جمعه من ديتريكون
فيصل...ورد نروح الاحد نعقد ورد صفنت على ريم
كالت بكيفك بس ببرود
فيصل شبيج ورد اكو شي
كالت ريم عدنه امتحانات مهمه منكدر نغيب هذا الاسبوع ..
فيصل اهووووو هم راح اصبر اسبوع
ريم شنو!؟
فيصل لا هيج معليج ورده حبيبي من تكملين واذا يوم ماعدج امتحان كوليلي ...
ورد اوكي
فيصل .....ورد حضريلي هدومي مال رياضه عدي لعبه وي جماعتي اليوم ..
صعدت ورد ولحكها فيصل حضنها من وره فزت
كلتله مجوز
كله وج تعبت والله اريدج مجاي اتحمل اكثر كوه دا اضغط على نفسي
درتها عليه وحطيت ايدي على خصرها كتلها تعرفين شنو يعني مرتي حلالي واني محروم، حتى من االبوسه بالختله وخاف احد يشوفنه
لج الي ازوجو ويانه صار عدهم جهال واني الحد هسه بالختلات اختلي بيج
شنو انتي متحسين بيه شكد بارده..
ورد ..اني مو بارده بس استحي وما اعرف
فيصل ..حتى لو متعرفين سوي مثل ما اني اسوي بوسيني فاجئيني ونصه صوته سويلي اغراء بعدين
لا يمعوده هو بلا اغراء اني مسودن بيج وما انام اليل النوب اغراء خلينه على برودج احسن
ورد...كتلك مو بارده بس استحي والله😔
فيصل ..لا بارده ونص لان تنهزمين مني ..😒
ورد .مبرطمه مو بارده 😡
فيصل لا بارده
كمزت على فيصل وبسته
هوه حضني ورفعني عليه وسويت مثل ما هوه من يبوسني ويجلب بشفايفي حاولت اثبتله ان احبه وعندي مشاعر اتجاها مو بارده مثل ميكول
ورد.كمزت على فيصل هو طويل كوه وصلت بس همزين هو راساً حضني من خصري ورفعني عليه بسته وكامت ترجف شفايفي وشفايفه رجعت راسي منه وجريت نفس هو بعده حاضني كتله شفت مو بارده هو بلع ريكه كال وج شسويتي بيه
ورد..فيصل نزلني
فيصل وج شنزلج لزم راسي وبقه يبوس بيه حيل
ورد..حسيت جسمه كله كام يرجف ومثل الفقد بس مأمنه لان جمعه وكلها بالبيت اكد اعيط يجوني اذا اطورت السالفه😜 بقه يبوسني ذبني على الجربايه واجه اني بقيت ارجع ليوره كتله فيصل شبيك تخبلت
كتله تره بالبيت موجودين كلهم
هوه بس ساكت
كال ما اسوي شي بس اريد احضنج واتمدد
كتله فيصل لاتخوفني عفيه
كال لا والله ما اخوفج بس خليها حضنه حتى بوسه ما ابوسج بعد لان اذا بستج بعد اقري السلام على نفسج لو مو اهلي بلبيت
ورد كوم غسل وجهك وصحصح يالله احضنك واتمدد يمك ...
كام غسل ورجع
ورد متمدده على الجربايه ..
اماسي_الليل
فيصل اباوع عليها بيني وبين نفسي وين صايره يا عالم ياناس مرتي وحلالي واضل بس اباوع واتحصر النوب شلون حلوه من متمدده وطالعه سيقانه مبرومه وحلوه وبيضه. ورد...فيصل ترى اكوم اذا تبقه هيج
لا بس احضنج واشم بيج
بقه حاضني من وره ويشم بشعري وركبتي لحد ما غفه ردت اسحب نفسي وانزل
رجع جرني بعدني مشبعان
كلتله ميخالف كوم جماعتك تنتضر وخاله مشتهيه كيك اريد اسويلها
فيصل ..امري ال الله كايم
نزلت ورد
فيصل بدل ونزل لكه امه كاعده بالصاله وراه مكعد اجتي ورد جايبه جاي للحجيه
غمز لا امه
يمه هاي جنتج متعبتني حيل
ورد.... انداريت على فيصل يااا شمسويتلك
فيصل.... معليج انتي دا احجي وي امي ..
يمه متعبتني حيل تتكلب كدامي واني روحي تلوب كلشي ممحصل بس حركان الكلب وليلي جني سمجه مطلعيه من الماي بس اتكلب .
الحجيه ..اصبر يمه مبقه شي ورد تستاهل واحد يصبر اله طلع فيصل
ورد ..كعدت اسوي بالكيكه ما اشوف الا جميله دخلت النه هي وابوها بس هاي المره متغيره تضحك وتسولف ويايه ..
كلت بلكي الله هداه عليه ...
اجت ريم ..ورد شنو السالفه شجابها هاي...
والله ما ادري ابوها يكول ضايجه ومحتصره وجبتها تغير جو يمكم بليل ارجع الها
ريم اذا ضوجتج كوليلي ...
ورد لا والله بالعكس الله هاديها عليه اليوم تسولف وتضحك يمكن رنا جانت ماثره عليه واليوم وحدها جايه
ريم والله يا اختي المصونه ما اعتقد 😑 ذيل الجلب ما ينعدل.
ورد ....امشي نكعد يمه عيب ..
ريم... روحي انتي خلي اسبح واجيكم اوكي
