لا يوجد رد خاص

جدي وان نسوك في الحياة تذكّر دايما ان لك حفيده تدعو لك دايما الله يرحمك يا اغله ما في قلبي


رحلت قبل ما تقول سلام .. رحلت فعليك من ربي الف سلام

.. كنت الصديق و كنت الحبيب .. كنت القريب و كنت الكبير 

ضحكتك في ودني لسه .. و صوتك بيتردد كتير ..

 وحشتني وواحشني كلامك ووحشني نومي جمبك في السرير .. 

وحشني حضنك ووحشني بوستك .. وحشني قعدتنا في كل حته من المعموره لسيدي كرير

 .. وحشتني يا اللي اسمي على اسمك .. و يا اللي عشقي ليك كبير 

وحشتني يا اللي كنت  كل حاجه .. وحشتني يا حبيبي وحشتني يا جدي .. 

يا رب تكون في مكان جميل .. انا عارف تعبك كان كبير 

انا متاكد انك مرتاح .. عشان الجنه للراحه مفتاح 

مهما كتبت و مهما رثيتك .. الحزن عليك اكبر من الكلام 

فاكر فطارنا و فاكر صيامنا فاكر الماتشات و فاكر الافلام

كان نفسي تكون معايا دلوقتي .. بس مش مهم مدام مرتاح 

والله بحبك ياجدي و مستني اشوفك في الجنه 

سلام الله عليك يا اجمل من عرفت
  ومعادنا زي ما اتفقنا
 نكون مع بعض في الجنه

يا رب رحمتك بيه .. و ارزقه الجنه و عفو منك 

ارحم جدي عمر و اجلعه  في الظل .. يوم لا ظل الا ظلك