المهندس محمد

ادعوا لاخوانكم وخواتكم 
          
          كاعدين يمتحنون خارجي ويوم الكم يا التاركين دراسه 

موضوع هذا اليوم هو  ( المشاور )
          اكثر شيء اكره 
          
          من اشوف نسوان بالفاتحه لو عرس وحده شاور وحده اتخبل 
          تبجي دقيقه وتخلصها مشاور مو نسوان ظيم ههههه بس يكرضن بالحبايب

موضوع هذا اليوم هو  ( غسل الجمعه ) 
          
          الجميع يعرف يوم الجمعه يوم مميز الجميع المسلمين ويعتبر عيد للمسلمين وفيه دعاء مستجاب والتطيب والغسل 
          (الغسل يعني السبح ) مثل البططط
          
          وكذلك فيه الصلاة على النبي صل الله عليه وآله وسلم 
          وقرأه سورة الكهف كذلك 
          
          احنه عدنا عركه على الحمام تبداء من ساعه العشرة اول واحد انا اسبح بالعشرة ما طول اكثر من خمس دقايق يعني اصرف خمس لترات ماء حار ههههه بعدها ابن عمي يعوف حمامهم ويجي يمنا احنه متفقين نغسل راس بشامبو والجسم صابون ركي وطلع على السريع هههههه انتم هم مثلنا عدكم زدحام لو من جماعة تكعدون بعد الصلاة 
          
          اكثر يوم احب بيه ريوك هو جمعة باقي الايام نادرا افطر لان دوام وتعب ما اشتهي شيء 
          
          صح اكو هواي ما مرتاحين وعدهم اطفال وعمات تشلع القلب بس هيه الحياه ما بيها راحه ابدددد تحملوا ولكم الاجر والثواب 
          
          
          

موضوع هذا اليوم هو  ( الهديه تفرح لان مجانيه )
          
          بكأس الخليج من خلال الفيس بوك قمت انا والأهل نجمع اي صفحه تنشر توقع نعلق عليها مثلا انا كلت العراق ٣ و عمان ٢ 
          
          بكثر من بيج المهم طلعت فايز بكثر من ٣٣ بيج لان توقعي صحيح المهم ظليت اتابع البيجات لان يسون قرعه وكل يوم اتابع واكثر الفايزين بنات حواء كلت صاحب البيج زاحف هههه
          
          
          المهم ظليت اكثر من ١٠ ايام اتابع اتابع اجتني فكره اكو بيجات بعدهم ما مسوين قرعه ودخلت على الاعدادات وغيرت الاسم سويت اسم لاهوه ولد ولا هو بنت محير ههههههه
          
          وما احسسس بعد ساعتين راسلوني احد البيجات وجان اربح ١٠٠ الف و حلويات كومه واحلى تغير اسم ههههه المهم هسه ابو البيج كل يوم يراسلني سجلو لنا فديوات من توصل الهديه 
          
          وجان توصل وسوي تعطيل للحساب منا الحد ٦٠ يوم ورجع اسمي الحقيقي ههههه 

موضوع هذا اليوم  ( الشتاء و البرد )
          
          في فصل الشتاء مشاكل البنات اكثر من شباب منها التخبز و منها تخلي نفط للصوبة ف احذروا النسيان والغفله 
          
          لان اي لحظه ما تركز بيها تصبح حياتك بخطر مثل سائق سيارة 
          اذا التفت التفاته بسيطه اي لحظه تنقلب سيارة 
          
          الر كل بنت تخبز بالبيت الاهلها او الزوجها واولادها انا منا ارفع لكي القبعه واقول لكي جزاك الله خيرا وان شاء الله صحه وعافيه وبارك الله فيج 
          
          
          كذلك عندما ترحين تترسين الصوبه ممنوع تخلينها مشتغله 
          
          
          حفظكم الله ورعاكم وابعد عنكم كل مشاكل الحريق 

موضوع هذا اليوم هو  ( امتحانات  نص السنه ) 
          
          من أصعب الفترات تمر على طالب وبها يتم تحديد مصيرك ناجح او راسب ومن هنا اسأل الله ان يحفظ الأمهات اليتعبن
          
           اكثر من اولادهن ويكعدن من صباح الباكر حتى يراجعن لهم 
          
          ويسون وجبة الفطور  ومن يرجعون تحل الأسئلة و تحضر الغدى 
          وترجع العصر تقريهم و من تكبر وتتعب الام يجازيها ابنها امي سوت لي 
          
          
          شكرا إلى كل الأمهات واسأل الله يعطيهن صحه والعافيه ويحفظهن خيمه لنا جميعاً 
          
          وكل التوفيق إلى الطلبه وان شاء الله دائما متفوقين ومفرحين أهلهم 
          
          وكذلك على الاهل يمنعوهم من ( لعبه الدعبل ) هههه لان هل لعبه تظهر في نصف السنه 

بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً

هسه العوائل كلها طالعه وانا خاتل جوه البطانية من البرد هههه

موضوع هذا اليوم هو ( الدين )
          
          في المجتمع العراقي بسبب ضعف الأوضاع الاقتصادية أصبح الدين في كل المدن دين شخصي و دين حكومي فاكثرنا ما ندفع فلوس الكهرباء و الماء والضريبة و البلدية وإلى  الخخخ 
          
          اما الدين الشخصي من أصحاب الخضار و المواد الغذائية و محلات الحلوى او مواد بناء او تصليح المنزل عندما يطلب صاحب دين بحقه نزعل ونبطل نشتري منه بس من نتأخر ويتحملنا ننسى فضله علينا والكثير منا ينسى يوم الاخره يوم الحساب فالدين من الأمور الصعبة التي يحسبنا الله عليها ويعتبر محبوس بالقبر اذا لم يسدد دينه 
          
          مريت موقف منذو سنوات كثيرة عندما كان عمري اقل من خمسه عشر سنه صعدت سيارة أجره وكان معي عدد من الركبين وفي طريق أعطينا الكروه ولم يوجد صرف فطلب سائق مني اصرف
          
           من صاحب اسواق في الطريق وعطيته خمسه الالف وعطاني خرده الالف و ٢٥٠ دينار صعدنا سيارة وتحركنا وعطيتهن للسائق وعندما بتعدنا قليل وجدنا معطينا ٢٥٠ زياده فهنا طلبت من سائق العوده له فرفض قال هو ربع ما يسوه 
          
          فجدا ضجت فقال لي أحد الموجودين معي ( احد العبريه ) بسيارة عطيني انا فد ساعه ورجع من هل طريق وعطيه له ففرحت جدا وعنده النزول أكدت عليه يوصله صاحب الأسواق ورد عليه اخي شنو سالفه ان شاءالله يوصل اللهم لا تجعل لي ذنب بما حصل ولا تجعلني من المديونين انك انت الرحمن الرحيم

موضوعنا لهذا اليوم الاعتذار 
          
          كثير منا يرى الاعتذار صعب ويعتبره ضعف علماً الاعتذار من شيم الكبار الجميع يخطأ و يخونه التصرف فلا تعلى على الناس جميعنا نقع بالخطأ ويجب علينا نعتذر ونسامح ونصفح 
          
          
          قال الله تعالي" إن أكرمكم عند الله أتقاكم "
          
          وقال النبي ( ص ) الناس سواسية كأسنان المشط 
           
          و لافرق لعربي علي أعجمي إلا بالتقوي
          
          الدين الإسلامي علمنا الاعتذار والتسامح والمحبة وجميعنا نرجع إلى سيدنا آدم ( عليه السلام ) لا تعطو للدنيا منزله كبيره تحابوا 
          وتسامحوا وجعله الله أيامكم سعاده ومحبة والألفة