كـوثـر جـاسـم

مسـاء الخيـر حنينـات قلبي 
          	من اشهر بديت وياكم بروايه آلـ غضب 
          	وكنت اخبي عنجن وضعي الصحي الصعب 
          	واحاول شكد ما اكدر اغير جو وياجن واكتب بارتات وانزل عسه ولعل اتناسه وضعي وضروفي بعالم الكتابه واعترف بسبب وضعي تاخرت عليجن هواي ببعض البارتات وجنتن تعذرني شكراً الجن واعتذر منجن على كلشي بدر مني بفد يوم اذيتجن أو خلفت بوعد 
          	
          	ومثل متعرفن بديت الروايه بحماس وتنزيل يومي مجنت متوقعه ضروفي راح تعاكسني 
          	
          	البارحه نزلت منشور بالانستا وكتبت قريباً على أساس انزل بارت بالليل لأن كامل وكلش طويل وحلو بس وضعي انتكس ومكدرت انزله ولا الزم الموبايل فـ قررت 
          	
          	اعتزل لفتره معينه ( قصيره - طويله ) الله الإعلم حسب وضعي 
          	
          	ويجوز ارجع ويجوز لا فـ اذكروني بكلمه حلوه ودعوه حلوه مثل عيونجن الحلوه 
          	
          	حساباتي موجودات والبوت موجود شنو تحتاجن كتبن حتى لو ما أقره اهم شي تفضفضن راح تبقى حساباتي اله أن أخذ القرار النهائى 
          	
          	صح بعدني ببدايه الطريق ولكن ضروفي ووضعي الصحي والنفسي جبرني ابتعد لفتره 
          	
          	ولا عبالجن اعتزلت نهائي لا الي يوم ارجع لأن مستحيل شخص يترك هوايته والكتابه هوايه وشغف بالنسبه الي وكل كلمه اكتبها بعنايه وحب للكتابه 
          	
          	
          	بخصوص آلـ غضب 
          	كتبت 65 بارت بسرد لا يوصف من حيث الجمال والترتيب والابداع وأبد مقصرت ببارت بسبب وضعي جنت اتاخر بالبارت في سبيل ينزل باحسن شكل وسويت جدول وحاولت التزم بي بس جنت اتعب حيل وما اكدر 
          	
          	بقن فقط خمس بارتات كتبت فقط بارت للاسف مكدرت اكملهن بسبب منعي من الموبايل وما اكدر اكتب كتبت فقط بارت يعني صارن 66 بارت راح اسلمهن للبطلات بسردهن اليجنن يحبن يسلمنها الكاتبه غيري مو مشكله حتى بسردها تأخذها لان تعودتن عليه يحبن ينشرنها بالقناه ويكملن الأربع بارتات كل السرد والبارتات وتعبي حلال الهن لأن الروايه روايتهن واني قصرت وياهن من تركتها باخر خمس بارتات 
          	
          	حاولت شكد ما اكدر ابقى وغيرت حساباتي علمود تتغير نفسيتي ويتغير وضعي بس للاسف فشلت 
          	
          	فقط البطلات الهن حق يتصرفن بيها مو غير احد ياخذ بارتات جاهزه وينشرهن بدون علمهن 
          	
          	
          	ادعلي تتحسن اوضاعي وضروفي الصحيه وارجع الجن باسرع وقت 
          	
          	تعلمت عليجن على سوالفجن على كلامجن على حبجن على حنيتجن على كلشي بيجن اني اموت عليجن إذا مرجعت مو تنسني ❤️
          	
          	اتمنى تخبرن البنات بغير برامج ويدخلن قناه البطلات لأن بعد انتو وياهن قررو براحتكم 
          	
          	دمتن في أمان الله