Basma Abaza

- انت مين؟
- أنا بسمة أباظة و زي ما مكتوب على بروفايلي أم و كاتبة و صحفية و مروضة قرود 🐵🐵(( محمد و سيف)).

- عندك كام سنة؟!
- برغم انه عيب و قلة ذوق اني اتسأل سؤال زي ده بس ٣٢ و ماشية في ال ٢٢🤯🤯🤯...

- خريجة أية؟
- بصي يا ستي بغض النظر اني معايا الابتدائية وأفتخر انا كمان خريجة اعلام القاهره قسم صحافة دفعة ٢٠٠٧ و معايا دبلومة في التربية الخاصة🤫🤫🤫🤫...

- الحالة الاجتماعية؟
- متزوجة ولا اعول🤑🤑🤑...

- ايه اعمالك السابقة؟
- بصي يا ستي عندك فتحة الخير عليه "الاكواريوم" 🎏🎏دي مجموعة قصصية عن دار الياسمين مع مجموعة مبدعة من الكاتبات..
وبعدها في نوفيلا بعنوان "افراح انترناشيونال" 👰👰👰نزلت في جروب مشاعر غالية، و بعدها مجموعة قصصية بعنوان "هندسة بالكزبرة" 📐📐🌿🌿في دار حروف منثورة للنشر الالكتروني.
و بعدها رواية "إلا بالتقوى" مع مجموعة كاتبات.
بعدها كونا فريق السبنسة و عملنا من خلاله رواية "إيجومينيا" 🤪🤪🤪نشرت في دار الياسمين.
و رواية "سناب شات"🗨️ عن دار المثقفون العرب.

- ايه احب اعمالك و اقربهم ليكي؟
- أفراح انترناشيونال بحسها مرايتي و عملت كل اللي نفسي فيه.

- ايه الاعمال الجاية؟
- هننشر ديالا 🧜‍♀️هنا في كان ياما كان و دي اول رواية اكتبها بشكل منفرد والرواية دي كنت برتب لها و بحضر لها بقالي اكتر من ٣ سنين.
في كمان مجموعة قصصية بعنوان "محشش"🚬🚬 محتاجة تترتب و تتظبط و بس...

- طيب أيه...
- استني ثانية؛ أيه الريحة دي العيال شكلهم ولعوا في الشقة🔥🔥🔥🧯🧯🚒👨‍🚒...

حوار للصحفية بسمة أباظة مع الكاتبة بسمة أباظة؛ أي جنان و السلام😜😜😜😜...
و اي حد عايز يسأل أي سؤال او يعرف حاجة يقول على طول...