Kapirasong Papel

Natagpuan ko ang sarili ko na nakaupo sa malamig na sahig habang pinagmamasdan ang bawat patak ng ulan at tilamsik sa aking paanan, at pinakikinggan ang musikang nanggagaling sa madilim na kalangitan. Napansin ko na mangilan-ngilan na lang ang taong dumadaan sa kalsada, karamihan ay may kanya-kanyang dalang payong at nag-isa, ngunit may nakapukaw sa aking paningin, isang estudyanteng nakabag-pack, may bitbit na mga libro at hangos na hangos na hinahabol ang papaalis na jeep, marahil ay papasok pa lang siya sa eskwela, basang basa ang damit subalit pipilit isalba ang mga bugkos ng mga kapirasong papel na kanyang akap-akap sa kanyang bisig.