None of the above (Ashralka Heirs Series #4)

Masarap maging bata. Wala kang masyadong pinoproblema sa buhay. Ang poproblemahin mo lang ay kung paano mo tatakasan ang nanay mo para makipaglaro, kung minsan pa nga, pipilitin kang matulog sa hapon kahit di ka naman inaantok.

Mababaw lang ang kaligayahan ng isang bata, tipong mag-aaya lang yan kumain sa paborito nilang fast food restaurant at omorder ng kids meal na may kasamang laruan.

Pero habang lumilipas ang mga panahon at unti-unting nawawala ang musmos nilang kaisipan. Marami ang nagbabago. Pagbabagong nakakatuwa pero madalas...masakit sa damdamin.

Pagbabagong nagbubukas sa katotohanang, hindi pala madaling mabuhay sa mundo, na hindi lahat kayang daanin ng ngiti, dahil pag ang sugat, napunta na sa puso...mahirap ng maghilom.