Description
عجوز عمياء تمشي بمساعدة عكازتها تبحث عن قبر والدتها في مقبرة وادي السلام في النجف الاشرف ولعد مساعدة الشبان اوصلوها الى قبر والدتها.... جلست العجوز امام قبر والدتها... شلونج يوم شخبارج ان شاء الله مرتاحة كل مرة اجي لقبرج اكعد ابجي عليج وعلى فراقج بس هلمرة غير مراح ابجي المفروض انتي تبجين عليه وعلى حالي.. انتي متي بزمن الخير وتشعيك حضروه خيرة الناس ونعشك شالوه اولادج اما اني ياعالم اذا متت منو يشيعيني منو يدفني واني غريبة ماعندي لاسند ولاولد ولاحتى بنية ماعندي احد يعيني.... الله يرحمج يايمه جنتي دائما تنقهرين عليه من تجيني بنية تكولين اللي عنده بنات همة للممات شحال اللي عنده سبع بنات.. وشفتي يايمة سبع بنات وولد وتاليها راحوا كلهم وخلوني وحدي ياليتهم بقوا وبقه همهم جنت اضوج من هوستهم ومن مشاكساتهم تاليها البيت ظل خالي لاحس ولانفس... . قيد التفكير
مقتطفات
