Description
Imagine this scenario: Sa daanan ng tren ay may limang tao, nakatali at hindi makagalaw, halatang walang takas sa kapalaran na meron sila. Habang tumatagal ay papalapit na ng papalapit ang tren, diretso ito papunta sa kanila at wala silang kamalay-malay sa kung ano ang maaaring mangyari. Nakatayo ka sa tabi, sumisigaw ngunit hindi ka nila marinig. Kay bilis ng tibok ng iyong puso, nanlalamig ang mga pawis, hindi mo alam kung ano ang gagawin. Sa tabi mo ay ang lever ng tren, kapag ibinaba mo ito ay may pag-asa na mailipat ito sa kabilang direksyon. 'Yun nga lang, sa kabilang pagdaraanan ng tren ay may isang tao. Ngayon may dalawa kang pagpipilian: Una, wala kang gagawin at hahayaan ang limang tao na mamatay. Pangalawa, ibababa mo ang lever at mapupunta ito sa kabilang direksyon kung saan naroon ang isang tao. Ano ang pipiliin mo? Kamatayan ng isa? O kamatayan ng lima? Si Vana ay isang simpleng babae. May simpleng pangarap at may simpleng buhay. Ngunit matapos ang araw na iyon, nagbago ang lahat. Gumawa sya ng isang desisyon na ang akala nya ay tama. Isang desisyon... Na pagsisihan nya habang buhay. Copyright © 2016 by Wistfulpromise.
Paunang Salita
