Description
Kabilang SIYA sa human weapon na dinisenyo para lipulin ang sinumang hindi sasang-ayon sa batas ng kinagisnang gobyerno, naka-programmed din siyang paslangin ang mga taga-Senipphil, ang bukod tanging bayan na kumakalaban sa mga batas nila. Wala rin siyang maituturing na pamilya, kaibigan o pangalan bukod sa numerong kumikilanlan sa kaniya. Ang mga panaginip, mga alaala at ang pagiging kaiba niya lamang ang nagtulak sa kaniya upang magkaroon ng sariling imbestigasyon tungkol sa kung sino at anong uri nga ba talaga siya. Hanggang isang araw, napatunayan niyang mas nanaig pa rin sa kaniya ang pagiging tao niya noon kaysa sa pagiging materyal na bagay na bahagi lamang di umano ng imbensyon, hindi siya katulad ng mga kasama niyang nabubuhay lamang para sumunod sa mga utos ng nag-imbento sa kanila, may damdamin at mga alala siyang nagpapatunay na tao pa rin siya. Subalit ang pagkatuklas niya sa kaniyang sarili ang maghuhudyat upang muling mag-alab ang himagsikan na kasalukuyang nagaganap sa mundong kinabibilangan. Para kanino nga ba siya lumalaban? Sa gobyernong ninakawan siya ng pagkatao at pinaniwala na siya'y bahagi ng isang armas lamang o sa mga rebeldeng Senipphil na may kinalaman sa nakaraan niya? An entry to #PhilippineTimesAwards2020 Under SCIENCE FICTION Category
About the Bookcover
