Malamig na Gabi

Ang aking koleksyon ng mga Tagalog na tula.

Mambabasang estrangherong nadapdap dito
Silipin mo ang aking puso
Hayaan mong ihayag ko sa iyo ang mga hinaing 'di masabi
Ng isang pusong dumudugo man ngunit lumalaban pa rin
Saluhin mo ang bawat letra na anak ng pagdurusa
Pagkat ang pakikinig mo'y isang tulo ng biyaya
Iparamdam mo sa aking hindi ako nag-iisa
Sa mundong marahas at walang awa sa mahina
Hanapin natin ang bukal ng buhay
Kung saan pag-asa'y hindi mauubos kailanman
Lunurin ang sarili sa kasiyahang taglay
Ng isang lugar na hindi pa natin nakikita