Chapter 1: Diary ni Zack

Ako si Zack. Engkanto na nasa mundo ng mga tao. Dito ako ipinatapon dahil sa paglabag ko sa tradisyon ng aming pamilya. Tatlong taon na ako sa daigdig ninyo, at isang taon na lang ay matatapos na ang sentensya ko. Makababalik nang muli ako sa amin at maaari ko nang makasama ang kabiyak ng aking puso.

Ngunit sa tinagal ko sa lupa, napakarami ko nang natutunan at naranasan. Marami na din akong rason upang manatili dito. At ngayon, maraming panganib ang naka-amba. Nanganganib ang mga tao. Ang mga engkanto. Ang aking mga kaibigan. Ang mga mundo.

Ngunit paano ang puso ko?