Bulletproof

Kapag 'yung tao na ilang taon niyo ng kinilalang patay, biglang lumitaw sa harapan ng bahay niyo. Anong gagawin mo? Kasi ako muntik na akong atakihin sa puso. Nanlamig ang buong katawan ko at bumagal ang pagtibok ng puso ko. Namutla ako at kinailangan kong kumapit sa pinto para hindi matumba.

Andito siya. 'Yung babaeng nakita kong tinangay ng isang puting van noong bata ako. 'Yung babaeng akala ko hinding hindi na namin makikita. Andito siya. Sigurado akong siya 'tong babaeng nasa harapan ko ngayon dahil hinding hindi ko makakalimutan ang mukha niya.