Description
Sabi ng iba ang tadhana ay nakaukit na sa buhay ng bawat isa sa atin bago pa man tayo mamulat sa mundong ginagalawan natin. At mayroon din namang nagsasabi na tayo ang gumagawa ng sarili nating tadhana. Pero paano kung ang tadhana na ang nagdikta sa buhay mo? Kung ang tadhana na ang naghatid sa iyo sa kinabukasang hindi mo naman ginusto at pinangarap? Ang naging kabataan ni Aeriel Santiago ay hindi katulad ng sa iba. Masalimuot, mapait, isang pangyayaring hindi mo na gustong mangyari pa. Dose-anyos si Aeriel noon, nang muntik na siyang magahasa. Akala niya katapusan na niya, pero nakatakas siya, nakalaban. Nag iwan ito ng marka sa buhay at pagkatao niya, isang pilat sa kanyang braso. Isang pilat na sa tuwing makikita niya ay bumabalik ang bangungot ng nakaraan. At sa hindi inaasahan, ito pa pala ang magbibigay ng isang napakalaking pagbabago sa kanyang buhay. Isang pangyayari na hindi na niya matatakasan pa.
Prologue
