Tatlong Araw

Hindi pa nakakatapos ng kolehiyo si Carrie ay pinatapon na siya sa ibang bansa ng kanyang Ina upang doon ay magtrabaho, malayo sa Cavite, malayo sa kanyang mga kaibigan, malayo sa kanyang boyfriend na tawagin na lamang natin sa pangalang Soul Mate. Masakit man para sa kanya ay ginawa niya kung ito lamang ang tanging paraan para makatulong sa pamilya. Magkaganoon pa man ay may isang bagay na hindi mailalayo sa kanya - iyon ay ang pagsusulat. Gamit ang nabiling laptop na inutang pa sa isang kamag-anak, sinusulat niya ang kanyang mga pakikipagsapalaran sa buhay.